лучший сайт где можно скачать шаблоны для dle 11.2 бесплатно

Салық басқармасы: Қанлыкөлде 22 «исбилермен» ҳүжжетлерсиз саўда менен шуғылланып келгенлиги мәлим болды

Елимизде «исбилерменлик тараўы менен шуғылланаман, пуқаралардың бәнтлигин тәмийинлеўге өз үлесимди қосаман» деген пуқараларымыз ушын барлық имканиятлар есиги ашылған. Олардын нызам шеңберинде жүритип атырған жумысларын ҳәр тәреплеме қоллап-қуўатлаў бағдарында да жумыслар жедел түрде алып барылмақта.

Сондай-ақ, салық органлары хызметкерлери тәрепинен орынларда исбилерменлик субъектлери тәрепинен төленетуғын салықлар, оларды есаплаў, есабатларын дурыс тапсырыў ҳәм салық нызамшылығындағы өзгерис, жаңаланыўларды кең жәмийетшиликке жеткериў мақсетинде үгит-нәсият жумыслары алып барылмақта.

Қанлыкөл районында «Салық уйымлары-инсаплы салық төлеўшилердиң исенимли шериги» ураны астында салық төлеўшилерге хызмет көрсетилмекте. Атап айтқанда, өз жумысын жаңадан баслап атырған 58 пуқара исбилермен сыпатында мәмлекетлик дизимнен  өткерилип өз ҳәрекетлерин даўам еттирмекте. Бүгинги күнде олардан жәми 11 миллион 645,7 мың сумлық салық есапланып, мәмлекетлик бюджетке өндирилиўи тәмийинленди.
Буннан тысқары, өз ҳәрекетлерин ўақтынша тоқтатып қойған 23 жеке тәртиптеги исбилерменлердиң жумысларын қайта тийклеўге әмелий жәрдем көрсетилип, бюджетке 5 миллион 780,3 мың сумлық қаржы бюджетке өндирилиўи тәмийинленди.

Деген менен, елимиз экономикасының раўажына үлесин қосып киятырған исбилерменлеримиз бенен бирге, арамызда өз жумысын нызамсыз жүритиўге ҳәрекет етип атырған «исбилермен»леримизде ушыраспақта.

Атап айтқанда, Қанлыкөл районы мәмлекетлик салық инспекциясы тәрепинен жыл басынан өткерилген кадағалаў илажлары даўамында район аймағында 22 пуқара тийисли ҳүжжетлерсиз саўда сатық ҳәм хызмет көрсетиў менен шуғылланып келгенлиги мәлим болды. Оларға салық хызметкерлери тәрепинен нызам тийкарында тийисли ҳүжжетлер рәсмийлестирилип, ҳәкимшилик баяннамалары дүзилди.

Сондай-ақ,  алкоголь өнимлери тийисли ҳүжжетлерсиз сатып атырған 7  пуқара анықланып, олардың нызамсыз сатыўға шығарылған жәми 928 мың сумлық арақ ҳәм вино өнимлери айғақлы зат ретинде алынып, тийисли тәртипте рәсмийлестирилди.
Соның менен бирге, тийисли ҳүжжетлерсиз саўда ҳәм хызмет көрсетиў менен шуғылланып келген 15 пуқараның сатыўға шығарылған жәми 62 миллион 246,0 мың сумлық товарлары айғақлы зат ретинде алынып, ўақтынша сақлаў ушын алынды.

Әлбетте, инсаплы исбилерменлер елимиздиң және де пәраўанласып, ҳәр тәреплеме раўажланыўына өз үлесин қосары сөзсиз. Ал, нызамнан айланып өтип, салықларды төлеўден қашпақшы болған «исбилерменлер»имизди болса, өз нәўбетинде, нызам ҳүжжетлерине сай, инсаплы, мәмлекетимиз экономикасының өсиўине хызмет етип киятырған исбилерменлер қатарына қосылыўына шақырып қаламыз.

Қарақалпақстан Республикасы мәмлекетлик салық басқармасы
Жәмийетшилик пенен байланыслар ҳәм ҳуқықый мәлимлеме секторы

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы