лучший сайт где можно скачать шаблоны для dle 11.2 бесплатно

Қараөзек базары жанындағы көпир мәселесинде район ҳәкимлигиниң рәсмий мағлыўматы

 
«Қарақалпақстан Республикасы Айрықша жағдайлар басқармасының 2019-жыл 3-апрельдеги 7/01-566-санлы хатының орынланыўын тәмийинлеў мақсетинде район ҳәкими тәрепинен 2019-жыл 5-апрель күнги тастыйықланған “Район аймағында бар болған автомобиль жоллары көпирлери, жол өткизгиш ҳәм басқа транспорт инфрадүзилме қурылмаларында жүз бериўи мүмкин болған айрықша жағдайлардың алдын алыў мақсетинде” дүзилген исши топар ағзалары тәрепинен район аймағындағы көпирлердиң техникалық жағдайы көриктен өткерилди. Өткерилген көрик даўамында район орайынан өтиўши мелиоратор коллекторының ПК 105+06 де жайласқан ишки хожалық көпири 1975-жылы қурылғанлығы, ҳеш кимниң есабында жоқ екенлиги, көпирдиң узынлығы 10 метр, схемасы 1х10, габарити-Г-7, көпирдиң таяншлары жарамсыз аўҳалда екенлиги, айырым темир бетон плиталарда тесиклер пайда болғанлығы, еки тәрепиндеги перила (қол услағыш) гөнергенлиги анықланып, исши топар ағзалары тәрепинен 2019-жыл 8-апрель күни дәлалатнама дүзилген. Қарақалпақстан Республикасы Прокуратурасының 2019-жыл 19 февральдағы 10.2./71-19/138-санлы тапсырмасына муўапық республика аймағында автомобиль жоллары көпирлери, жол өткизгишлер ҳәм басқада транспорт инфрадүзилме қурылмаларының техникалық жағдайын көриктен өткериў даўамында ҳәзирги ўақытта ҳеш кимниң есабында болмаған көпирлерди тийисли мәкеме ҳәм кәрханалар есабына өткерип бериў бойынша Қарақалпақстан Республикасы Ишки ислер министрлигиниң 2019-жыл 12-май күнги Қарақалпақстан Республикасы Министрлер Кеңеси Баслығы атына жоллаған 11/6-1401-санлы хаты тапсырмаларын орынлаў мақсетинде район орайынан өтиўши мелиоратор коллекторының ПК 105+06 де жайласқан ишки хожалық көпири район ҳәкиминиң 2019-жыл 22-май күнги 51/1-Б-санлы бийлиги менен районлық Абаданластырыў басқармасы есабына бекитип берилип, қурылыс оңлаў жумысларына рухсат етилген.
Район орайынан өтиўши мелиоратор коллекторының ПК 105+06 де жайласқан ишки хожалық көпирине қурылыс оңлаў жумысларын алып барыў мақсетинде “Йўл-лойиҳа бюроси” жуўапкершилиги шекленген жәмийети тәрепинен жойбар смета ҳүжжетлери таряланып, қурылысшы кәрхана “Келешек строй монтаж” жуўапкершилиги шекленген жәмийети тәрепинен 2019-жылдың 27-июнь күни қурылыс оңлаў жумыслары басланған. Ҳәзир бул көпирдиң еки тәрепине айрықша жағдайлардың алдын алыў мақсетинде кириў қадаған жол белгилери қойылып, көпирдиң астынғы тәрепинде жайласқан жарамсыз аўҳалға келип қалған таяншларын алыў ушын қазыў жумыслары алып барылып атырғанлығын мағлыўмат ретинде билдириледи».
 
Ҳәр ҳәптениң сәршемби күни Қараөзек районында базар күни болады. Қараөзек ҳәкимияты ўәкилиниң бизге берген мағлыўматына қарағанда көпирден 100 метр бергилеўде өтиў жолы бар. Бирақ, пуқаралар қысқа жол болғаны ушын оңлаўдағы көпирден өтиў вариантын таңлаған.
Қараөзек районы ҳәкимияты пуқаралардан өз өмирин қәўип астына қоймаўын ҳәм оңлаўдағы көпирден емес, қәўипсиз жолдан пайдаланыўды сорайды.

Дерек: makan.uz
 
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы