лучший сайт где можно скачать шаблоны для dle 11.2 бесплатно

«Жылдың ең жақсы тәрбияшысы» кәсиплик көрик-таңлаўы Республикалық басқышы өткерилди

2019-жылы 19-20-июнь кунлери Қарақалпақстан Республикасы Халық билимлендириў хызметкерлерин қайта таярлаў ҳәм олардың қәнигелигин арттырыў институтының мәжилислер залында «Жылдың ең жақсы тәрбияшысы» кәсиплик таңлаўының екинши Республикалық басқышы өткерилди. Таңлаў бир неше номинациялары бойынша 3 басқышда болып өтти. «Жылдың ең жақсы тәрбияшысы» кәсиплик таңлаўы мектепке шекемги мәкемелери тәрбияшыларының педагогикалық шеберлигин ҳәм дөретиўшилик қәбилийетин раўажландырыў, олардың алдыңғы тәжрийбелерин  ҳәм инновацион билим технологияларын тәлим-тәрбия процессине ен жайдырыўға қаратылған.
Қарақалпақстан Республикасы мектепке шекемги билимлендириў министрлигине қараслы мектепке шекемги  билимлендириў мәкемелериниң тәрбияшылары арасында көрик-таңлаўының биринши районлық (қала) басқышысы май айында болып өткен еди. Буған үш жылдан кем болмаған мийнет тәжирийбесине ийе болған 276 тәрбияшылар қатнасқан болса, олардан 48 тәрбияшылар жеңимпаз болып, екинши басқышына жоллама алды ҳәм таңлаўдың екинши басқышында қатнасты. Бул жеңимпазлар өзлериниң билимин, көнликпесин, шеберлик ҳәм дөретиўшилик жумысларын көрсетти.
Көтериңки ҳәм қызғын руҳта өткен бул таңлаў жуўмағында,
«Ең жақсы методист тәрбияшы» номинациясы бойынша:
Тахиатас районы 7-санлы МШБМ (мектепке шекемги билимлендириў мәкемеси) тәрбияшысы Дилноза Ярылкапова 1-орынды;
Хожели районы 11-санлы МШБМ тәрбияшысы Феруза Абдуллаева 2-орынды;
Нөкис қаласы 16-санлы МШБМ Хурлиман Нурписова 3-орынларды ийеледи.
«Ең жақсы дөретиўшилик тәрбияшы» номинациясы бойынша;
Қанлыкөл районы 3-санлы мектепке шекемги билимлендириў мекемеси тәрбияшысы Камалова Зинахан 1-орынды;
2-орынды Шымбай районы 3-санлы МШБМ тәрбияшысы Наргиза Жумағалиева;
Қоңырат районы 20-санлы МШБМ тәрбияшысы Эльмира Раметова 3-орынларды алды.
«Инновацион ҳәм хабар технологияларын қоллайтуғын ең жақсы тәрбияшы» номинациясы бойынша;
Нөкис районы 3-санлы МШБМ тәрбияшысы Азиза Матниязова 1-орынды;
Қараөзек районы 1-санлы МШБМ тәрбияшысы Қамажай Талқанбаева 2-орынды;
Шоманай районы 11-санлы МШБМ тәрбияшысы Сапура Даўлетбаева 3-орынларға мүнәсип деп табылды.Жуўмақлаў нәтийжелеринде берилген номинациялары бойынша жеңимпазларды таңлаўдың Өзбекстан Республикалық басқышына қатнасыў жолламасына ийе болды. Жеңимпазлар министрлик тәрепинен диплом ҳәм қымбат баҳалы саўғалар менен сыйлықланды.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы