лучший сайт где можно скачать шаблоны для dle 11.2 бесплатно

Шымбайда өткен алты айда он еки жынаят жүз берген

Шымбай районында 2018-жылдың 6-айы даўамында 22 жынаят жүз берген болса, 2019-жылдың 6 айы даўамында 12 жынаят жүз берип, 10 ға, яғный 45,5 пайызға кемейиўине ерисилген. Бул ҳаққында район прокурорыныӊ орынбасары Б.Байманова Шымбай районы ҳәкимлигиниӊ мәжилислер залында район прокуратурасы муўапықластырыўшы Кеӊесиниӊ мәжилисинде атап өтти.
Мәжилиске район ҳәкимлиги, Прокуратура, Ишки ислер бөлими,мәкеме-кәрхана,өзин-өзи басқарыў уйымларының баслықлары қатнасты.
Мәжилисти район прокуроры Р.Атамуратов басқарып барды. Онда Шымбай район прокуратурасы тәрепинен нызамлылықты беккемлеў, жынаятшылыққа қарсы гүресиў,пуқаралардың ҳуқықлары ҳәм еркинликлерин қорғаў,усы жылдыӊ алты айы даўамында исленген жумысларға кеӊ түрде тоқтап өтти.
Мәжилисте күн тәртибиндеги мәселе бойынша район прокурорыныӊ орынбасары Б.Байманова кеӊ түрде баянат жасады.
Илажда атап өтилгендей район прокуратурасы тәрепинен өткерилген тексериўлерде анықланған экономика нызамшылықтың орынланыўы үстинен бақлаў бойынша 1 тексериў ҳәм 5 мәртебе мониторинг өткерилип,анықланған нызам талапларыныӊ бузылыў жағдайлары бойынша 1 усыныс келтирилди,4 шахсқа алдын-ала ескертиўлер жәрияланды,қолланылған прокурорлық бақлаў ҳүжжетлери тийкарында 1 шахс интизамий,11 шахс ҳәкимшилик жуўапкершиликке тартылды.
Атап айтқанда,коммунал төлемлер бойынша 2019-жыл 01-июль жағдайына тәбийғый газден дебиторлық қарыздарлық 8 млрд.360,2 млн.сумды қурап,жыл басына салыстырғанда 8 млрд.325,4 млн.сумға өскен,электр энергиядан дебиторлық қарыздарлық 337,6 млн.сумды қурап,жыл басына салыстырғанда 249,4 млн.сумға өскен.
Мәжилисте район көлеминде ҳаял-қызлар мәселеси,Санаат,капитал қурылыс ҳәм коммунал,экономикалық ҳәм исбилерменлик,Бәнтликке көмеклесиў орайы,районлық Каржы бөлимине, Ишки ислер бөлими тәрепинен алып барылып атырған жумыслардағы айырым кемшиликлерди сапластырыў бойынша тапсырмалар берилди.
Илажға Карақалпақстан Республикасы Прокуратурасы бөлим баслығы А.Рузметов,район ҳәкими П.Ещановлар қатнасты ҳәм шығып сөйледи.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы