лучший сайт где можно скачать шаблоны для dle 11.2 бесплатно

«Мойнақ гербиш заводы»нда күнине 63 мың данаға жақын гербиш шығарылмақта

Усы жылдың февраль айында өз жумысын баслаған «Мойнақ гербиш заводы» жуўапкершилиги шекленген жәмийетинде күнине 63 мың данаға жақын гербиш шығарылмақта. Бул ҳаққында район хабаршысы З.Қалжанова объекттен мәлим етти.Қытайдан алып келинген әсбап-үскенелер орнатылған ЖШЖде күнине 58 мыңнан 63 мыңға шекемги аралықта гербиш шығарылады. Қам гербишлер соңынан арнаўлы қумбызға салынып пискен гербиш ҳалатына келеди ҳәм буйырытпашыларға жеткерилип бериледи. Қумбыздын сыйымлылығы 250 мың гербиш болып, соннан күнине 35-40 мың пискен гербиш таярланады.
«Мойнақ гербиш заводы» жуўапкершилиги шекленген жәмийетинде соның менен бирге және бир қосымша станок орнатылмақта. Бундағы тийкарғы мақсет – қысқа таярлық, яғный жумысшыларды қыс айларында да жумыс пенен тәмийинлеў болып табылады.Техникалардан болса 3 погрузщик, 4 жүк тасыўшы камаз, 2 ҳаўа жүк машинасы хызмет етпекте. Әҳмийетлиси, кәрханада 45 адамның бәнтлиги тәмийинленген. Олардың көпшилиги район жасларынан ибарат.– Мақсетимиз қолдан келгенше районды раўажландырыўға үлесимизди қосып, орайда салынып атырған көп қабатлы турақ жайларға өзимизде ислеп шығарылып атырған пискен гербишлерди өз ўақтында үзликсиз жеткерип бериўден ибарат дейди,– «Мойнақ гербиш заводы» жуўапкершилиги шекленген жәмийетиниң ис жүритиўшиси Е.Пирниязов.


Қарақалпақстан Республикасы Министрлер Кеңесиниң Мәлимлеме хызмети

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы