лучший сайт где можно скачать шаблоны для dle 11.2 бесплатно

Салық нызамшылығындағы өзгерислер кеңнен түсиндирилди

Нөкис районы ҳәкимлиги мәжилислер залында Қарақалпақстан Республикасы мәмлекетлик салық басқармасы тәрепинен шөлкемлестирилген семинар болып өтти.Семинарды өткериўден гөзленген тийкарғы мақсет - жаңадан қабыл етилген Салық ҳәм бажыхана жеӊилликлериниӊ берилиўин және де тәртипке салыў илажлары ҳаққындағы Пәрманын кең жәмийетшиликке жеткериў болып есапланды.
Семинарда мәмлекетимизде бәсекиге шыдамлы өндиристи хошаметлеў, исбилерменликти ҳәм саламат бәсеки орталығын қоллап-қуўатлаў, мәмлекеттиӊ экспорт потенциалын кеӊейтиў ҳәм хошаметлеў және ишки базарды сапалы тутыныў товарлары менен тәмийинлеўге бағдарланған салыққа тартыў ҳәм бажыхана-тариф системасын тәртипке салыўдыӊ нәтийжели системасын қәлиплестириў бойынша кеӊ көлемли жумыслар алып барылып атырғанлығы ҳаққында атап өтти.Соныӊ менен бирге, экономиканыӊ айырым секторларында исбилерменлик субъектлерине сезилерли муғдарда жеӊилликлер ҳәм преференциялардыӊ берилгенин есапқа алған ҳалда қосылған қун салығын есаплаў ҳәм төлеўдиӊ әмелдеги тәртибинде бар болған теӊсизликлер барлық хожалық жургизиўши субъектлер ушын теӊ шараятларды тәмийинлеўде қосылған қун салығыныӊ толық түрдеги шынжырын жаратыў ҳәм экономиканыӊ бәсекиге шыдамлылығын арттырыў имканиятын бермей атыр. Қабыл етилген Пәрманға муўапық 2019-жыл 1-августтан баслап бирден-бир жер салығын төлеўши есапланған аўыл хожалығы өнимлерин ислеп шығарыўшылары ықтыярлы түрде қосылған қун салығын төлеўге өтиўи мүмкин.
- Семинарда жаңадан қабыл етилген пәрманның мазмун-мәниси ҳаққында Мәмлекетлик салық басқармасының қәнигелери кеңнен түсиник берип өтти. Бул пәрманда қосылған қун салығының толық түрдеги шынжырын жаратыў ҳәм барлық хожалық жүргизиўши субъектлер ушын тең шараятларды тәмийинлеў мақсетинде 2019-жыл 1-октябрьден баслап өзи ислеп шығарған аўыл хожалығы өнимлерине ҳәм Өзбекстан Республикасында ислеп шығарылған азық-аўқат өнимлерине белгиленген қосылған қун салығы бойынша жеңилликлер бийкар етилгенлиги ҳаққында айтып өтти. Әлбетте салық жүги ҳәр бир исбилерменге теңдей бөлистирилиўи керек, -дейди Нөкис районы дыйқан, фермер хожалықлары ҳәм қыйтақ жер ийелери кеңеси баслығы Елмурат Жақсымов.
Илажда ықтыярый рәўиште қосылған қун салығын төлеўге өткен бирден-бир жер салығын төлеўшилер қосылған қун салығы менен биргеликте аўыл хожалығы егинлериниӊ норматив қунынан 0,95 пайыз муғдарда бирден-бир жер салығын төлеў мәжбүрияты сақланып қаладатуғынлығы ҳаққында да атап өтти.Ал, 2019-жыл 1-октябрьден баслап 2019-жыл 1-январь айынан сентябрь айына шекем 1 миллиард сўмнан артық пул айланысы (түсими)на ийе болған ямаса 50 гектардан зыят аўыл хожалығына мөлшерленген жер майданларына ийе болған бирден-бир жер салығын төлеўшилер қосылған қун салығын төлеўшилер есапланады ҳәм белгиленген тәртипте қосылған қун салығын төлеўши сыпатында дизимнен өтиўи шәрт.
Бунда 2019-жыл 1-октябрьден баслап белгиленген пул айланысы (түсими) шегаралық дәрежесине жеткен бирден-бир жер салығын төлеўшилер усы дәрежеге ерисилген айдан кейинги айдыӊ 1-сәнесинен баслап қосылған қун салығын төлеўге өтеди.
Пахта шийки заты өнимин ислеп шығарыўшылар 2019-жылдыӊ зүрәәтинен баслап қосылған қун салығын төлеўге өтеди. Бунда оларға
2018-жылдыӊ 1-октябринен алдын болмаған ўақытта ҳақыйқатта алынған ҳәм пахта шийки заты өнимин жетистириў ушын жумсалған товарлар (жумыс, хызметлер) ушын төленген қосылған қун салығы сўммасын есапқа алыў ҳуқықы бериледи.
Усы Пәрманнан келип шығып Республикамызда дәслепки таллаўлар бойынша 2737 фермер хожалықлары қосылған қун салығын төлеўге өтиўи нәтийжесинде бюджетке 41,2 млрд.сўм қосымша түсим түсиўи күтилмекте.
Жуўмақлаў ретинде соны айрықша атап өтиў орынлы, қабыл қылынған бул Пәрман өнимлердиӊ базар баҳасына өзиниӊ кери тәсирин көрсетпейди ҳәм исбилерменлик субъектлериниң өз жумысларын кеңейтирилиўине ҳәмде оларға көплеп имканиятлар ҳәм шараятлардың жаратылыўына хызмет етери анық.
Орынларда бул сыяқлы илажлар даўам етпекте.
Қарақалпақстан Республикасы мәмлекетлик салық басқармасы Жәмийетшилик пенен байланыслар ҳәм ҳуқықый мәлимлеме секторы.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы