лучший сайт где можно скачать шаблоны для dle 11.2 бесплатно

Абитуриентлерге әжайып жаңалық

Өзбекстан Республикасы Министрлер Кабинетининг 07.06.2019-жылы 468-сан қарарына муўапық Жоқары оқыў орынларына оқыўға кириўге ҳужжетлерди қабыллаў бойынша мәмлекетлик хызметлерди көрсетиўдин ҳәкимшилик регламенти тастыйықланды. Регламентке муўапық Абитуриентлер мәмлекетлик хызметлер орайы арқалы яки Өзбекстан Республикасы бирден бир интерактив мәмлекетлик хызметлери порталы арқалы жоқары окыў орынлары бакалавр жөнелисине окыўға кириўге ҳужжет тапсырады. Белгиленген жокары окыў орынларына абитуриентлер турақлы дизимге алынған жасаў орнына қарамастан өзи қәлеген мәмлекетлик хызметлер орайына яки онлайн тәризде my.gov.uz порталы арқалы хужжет тапсырыў имканына ийе. Мысалы откен жылы хужжетлерди тәжирийбе есабыында тек ғана Ташкент мәмлекетлик юридика университетине тапсырган болса, бул жылы төмендеги атап өтилген жоқары оқыў орынларына хужжетлерди әпиўайыластырылган тәртипте тапсырыўына болады. 1-Ташкент мәмлекетлик юридика университети
2-Бердақ атындағы Қарақалпақ мәмлекетлик университети
3-Гулистан мәмлекетлик университети
4-Фергана мәмлекетлик университети
5-Самарқанд мәмлекетлик университети
Ал қалған жоқары билимлендириў мәкемелерине тапсырыў ушын болса ЖБМ ниң өзине барған халда тапсырады. Абитуриентлер өзлери қәлеген ЖБМ арқалы басқа аймақта жайласқан оқыў орынларына тапсырыўына болады. Бул ушын тап сол ЖБМ ниң өзине барып журиу шәрт емес. Мәселен Нөкисте жасайтуғын абитуриент ҚМУ ға барып Ташкентте яки басқа аймақта 3 ЖБМ не хужжет тапсыра алады. Аты атап өтилген 5 окыў орнынан бири биринши болып таңланса ғана мәмлекетлик хызметлер орайына барыў керек. Егер усы 5 оқыў орнының бири 2ши яки 3ши оқыў орны сыпатында таңланып атырған болса, онда МХО ларға емес, ал 1 ши таңланған ЖО орнына барыў керек. Мысалы; 1-ТМТУ, 2-КМУ, 3-НМПИ болса. Және де бир ЖБМ ниң 3 факультетине тест тапсырылатуғын пәнлер избе-излиги бирдей болса хужжет тапсырса болады. Егер абитуриент 1 ши устинлик жөнелисине кире алмай қалса кейинги жөнелислер бойынша топлаган баллары салыстырылып көриледи. Егер абитуриент контракт яки грант тийкарында болсын, 1 ши таңлаған жөнелиске баллры жетсе, онда кейинги жөнелислер ушын топлаған баллары есапқа алынбайды хәм де кейинги жөнелислер бойынша таңлаўда қатнаса алмайды. Соны да айтып өтиўимиз керек абитуриент тек ғана бир мәрте тестке қатнасады.
Бунда мәмлекетлик хызметлер орайы арқалы ҳужжет тапсырыў ушын тек ғана 2 хужжет талап етиледи.
-пуқара паспорты (паспорт жасына жетпегенлер ушын туўылғанлық гуўахнамасы)
-улыўма орта билим (11-класс негизинде) яки орта арнаўлы, кәсип-өнер билимлендириў мәкемесин тамамлағанлығы хаққында хужжет
Егер имтиязға ийе болса имтияз хуқуқын тастыйықлаўшы хужжет.
Хужжет тапсырыўда бир қатар хужжтлер саны кемейтирилди. Яғный 086-сан медициналық маглыўмат , жасаў орнынан мағлыўмат, фотосуўретлер талап етилмейди. Бул болса халқымыздың аўырын жеңил қылыўға, шығындарлықтың алдын алыўға, қосымша хужжетлер алыў ҳәм пайтахтқа келип-кетиўге сарпланған ўақыт тежеледи. Абитуриентлерди қабыллаў хәр жылы 15-июньнан 15-июльға шекем көрсетиледи. Мәмлекетлик хызметлер көрсетилгенлиги ушын усы жылғы питкериўшилерден хәмде нагиранлығы болған яки толық мәмлекет тәмийнатындағы шахслардан төлем өндирилмейди. Алдынғы жылларда оқыў орнын питкерген абитуриентлерден ең кем айлық ис хақысынын 50% муғдарында (101 365 сум) жыйым өндириледи. Абитуриент 3 оқыў орнына яки 3 жөнелис бойынша болсын яки тек ғана 1 жөнелис бойынша хужжетлерин дизимнен өткерсе де белгиленген төлемди бир мәрте ғана төлейди. Белгиленген жеңилликлерге (имтиязларға) ийе болған абитуриентлер пуқаралығы болмаған шахслар ҳәм де паспорт жасына жетпегенлер мәмлекетлик хызметлерден пайдаланыў ушын орайларға мурәжаат етиўлери керек болады. Әлбетте бундай кең имкәниятлар келешегимиз ийелери болған жасларымыздың билим алыўға болған қызығыўшылығын арттырыўға, олардың келешекте жетик, билимли кадрлар болып жетилисиўине исленип атырган ис-ҳәрекетлер болып есапланады. Мағлыўмат ушын Мәмлекетлик хызметлер агентлигиниң басламасы менен абитуриентлерге буннан былай да қолайлықлар жаратыў мақсетинде мәмлекетлик хызметлер орайы арқалы ЖОО на ҳужжетлерди 24 саат даўамында тапсырыў имканияты жаратылды.

АЙГУЛ ТАТЛЫМУРАТОВА
Нөкис районы мәмлекетлик хызметлер орайы бас қәнийгеси.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы