лучший сайт где можно скачать шаблоны для dle 11.2 бесплатно

ҚМУда «Ана тилим-мақтанышым» атамасында илимий – әмелий конференция ҳәм сыйлықлаў кешеси болып өтти

30-ноябрь күни Бердақ атындағы ҚМУ Бердақ миллий музейинде Қарақалпақ филологиясы факультети ҳәм Өзбекстан «Миллий тикланиш» демократиялық партиясы менен биргеликте Қарақалпақ тилине мәмлекетлик тил бийлиги берилиўиниӊ 29 жыллығы мүнәсибети менен «Ана тилим-мақтанышым» атамасында илимий – әмелий конференция болып өтти.
Конференцияны ҚМУ Қарақалпақ филологиясы факультети деканы Қонақбай Турдыбаев кирис сөз бенен ашып берди ҳәм алып барды.
Оннан соӊ Өзбекстан «Миллий тикланиш» демократиялық партиясы Қаракалпақстан Республикасы Кеӊеси баслығы Тәжибай Романов шығып сөйлеп, партияныӊ мақсети ҳәм ўазыйпалары ҳәмде партия депутатлары ҳаққында илаж қатнасыўшыларына мағлыўмат берип өтти.
Конференцияда ҚМУ Қарақалпақ филологиясы Қарақалпақ тил билими кафедрасы баслығы Мәмбеткарим Қудайбергенов «Тил-бийбаҳа байлық», Қарақалпақстан халық жазыўшысы, «Билим» баспасы директоры Муратбай Нызанов «Дурыс жазыў ҳәм сөйлеў-мәдениятлылықтыӊ белгиси» атамасында, ӨзИАҚҚБ Қарақалпақ гуманитар илимлер илим-изерлеў институты директоры Айтмурат Алниязов «Қарақалпақ классикалық әдебияты үлгилерин текстологиялық таллаў мәселесине» атамасында баянатларын окып еситтирди.
Буннан кейин ҚР Министрлер Кеӊеси жанындағы Республикалық терминология орайыныӊ баслығы Шамшетдин Абдиназимов, сондай-ақ профессор Қурбанбай Жарымбетов шығып сөйлеп Қарақалпақ тилиндеги жол қойылып атырған қәте-кемшиликлер ҳаққында тоқталып өтти.
Илаж соӊында Өзбекстан «Миллий тикланиш» демократиялық партиясы Қаракалпақстан Республикасы Кеӊеси тәрепинен Бердақ атындағы ҚМУстудентлер жаслары арасында 1-декабрь Қарақалпақ тилине мәмлекетлик тил бийлиги берилиўине 29 жыл толыўы мүнәсибети менен «Ана тилим-мақтанышым» сүрени астында өткерилегн шығармалар таӊлауыныӊ жеӊимпазларын сыйлықады.
Таӊлаў бойынша, «Еӊ жақсы көркем шығарма» бағдары бойынша:
1-орын шет тиллери факультети 3-курс студенти Гулмира Кеўлимжаева
2-орын Қарақалпақ филологиясы факультети 4-курс студенти Маржангүл Қалекеева
3-орын Магистратура бөлими Әдебияттаныў қәнигелиги 2-курс магистранты Турсынгүл Отарова
«Еӊ жақсы қосық» бағдары бойынша:
1-орын Шет тиллери факультети 1-курс студенти Тумарис Байманова
2-орын Қарақалпақ филологиясы факультети 3-курс студенти Айгүл Қосымбетова
3-орын Қарақалпақ филологиясы факультети 1-курс студенти Қундыз Зирапова
«Еӊ жақсы публицистикалық мақала» бағдары бойынша:
1-орын Магистратура бөлими Журналистика қәнигелиги 2-курс студенти Муслима Мамбетниязова
2-орын Қарақалпақ филологиясы факультети 3-курс студенти Айнура Алишова
3-орын Тарийх ҳәм Ҳуқық факултети 3-курс студенти Сутанбек Надирбеков.
Өзбек тилинде жазылған дөретпелер бойынша жеӊимпазлар, «Еӊ жақсы көркем шығарма» бағдары бойынша:
1-орын Қарақалпақ филологиясы факультети 1-курс студенти Зухра Файзуллаева
2-орын Тәбияттаныў факультети, 1-курс студенти Шахноза Ильясова
3-орын Қарақалпақ филологиясы факультети 1-курс студенти Муборак Мамутова
«Еӊ жақсы қосық» бағдары бойынша:
1-орын Қарақалпақ филологиясы факультети 1-курс студенти Мадинахон Хажиева
2-орын Қарақалпақ филологиясы факультети 1-курс студенти Азиза Мадрахимова
3-орын Тәбияттаныў факультети 1-курс студенти Махлиё Каримова
«Еӊ жақсы публицистикалық мақала» бағдары бойынша:
1-орын Қарақалпақ филологиясы факультети 1-курс студенти Одилбек Латипов
2-орын Химия технология факультети 1-курс студенти Нилуфар Нурлыбекова
3-орын Техника факультети 1-курс студенти Шахло Калилаева.

Сондай-ақ, «Қәтесиз жазылган көркем шығарма» номинциясы жеӊимпазы Қарақалпақ филологиясы факультети 1-курс студенти Турдыбек Наўрызбаев, «Қәтесиз жазылган публицистикалық мақала» номинциясы жеӊимпазы Қарақалпақ филологиясы факультети 2-курс студенти Арман Нуржанов, «Еӊ жақсы қолтаӊба ийеси» номинциясы жеӊимпазы Химия- технология фкультети студенти Камила Алланазаровалар Өзбекстан «Миллий тикланиш» демократиялық партиясы Қаракалпақстан Республикасы Кеӊеси тәрпинен таярланған арнаўлы диплом ҳәм естелик саўғалары менен сыйлықланды.

Парахат Ажимуратов
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы