лучший сайт где можно скачать шаблоны для dle 11.2 бесплатно

И.В.Савицкий атындағы мәмлекетлик көркем-өнер музейинде китаплар шықпай атырғаны рас па? (Рәсмий жуўап)

Хабарыӊыз бар, 2019-жыл 13-июль сәнесинде Facebook социаллық тармағында Қарақалпақстан Республикасы И.В.Савицкий атындағы мәмлекетлик көркем-өнер музейи ҳаққында пост жарияланған еди. Онда Лондонлы турист пенен пост ийесиниң сәўбети ҳәм кейинги ўақытлары музей ҳақкында китаплардың басып шығарылмай атырғаны сынға алынған еди.

Ҳақыйқатында да соңғы жыллары музейде каталог ҳәм китаплар шығарылмай атырма?

Бул ҳәм басқада сораўларымызға жуўап алыў мақсетинде zaman.uz сайты журналистлик тексериў өткерип, музей администрациясынан рәсмий мағлыўмат бериўин сорандық.
Фактке тийкарланған аўыз еки емес, бәлки сайт админстраторы тәрепинен жеке барып үйрениў арқалы сораўларымызға жуўап алдық ҳәм нәтийжесин сайт оқыўшыларына усынамыз.
Кейинги 2017, 2018, 2019-жыллары музей ҳаққында жәми 6 дана «Сокровища Нукуса» 2017-жыл, «Сахрадағы Лувр» 2017-жыл, «И.В.Савицкий атындағы Қарақалпақстан мәмлекетлик көркем-өнер музейи» 2017-жыл, «Әсирлер аса мәңги илҳам» 2018-жыл, «Қарақалпақстан Республикасы И.В.Савицкий атындағы мәмлекетлик көркем-өнер музейи» 2018-жыл, «Қарақалпақ нағыслаў өнери» 2019-жыл атамаларында китап ҳәм каталоглар баспадан шығарылған. Музей тәрепинен өткерилип атырған ҳәр бир көргизбеге орташа 50-100 дана (ҳәр бир тилде) 4 тилде буклет, флайерлер ҳәм тарқатпа материаллар басып шығылмақта.
Музейде 11 мың китаптан ибәрат китапхана ислеп тур. Сондай-ақ, музей экспонатларының электрон каталогы жаратылмақта. Бул арқалы ҳәр бир экспонат ҳаққында мағлыўматлар бериледи. Алдынлары мағлыўматлар китапларда сақланған болса, ҳәзирги ўақытта фотолары менен экспонат ҳаққында толық мағлыўмат көрсетилген электрон варианты ислеп шығылмақта.

Қосымша мағлыўмат сыпатында атап өтемиз, 2013-2015 жыллары музейге 60-100 мың адам келген болса, 2017-жыл 110 мыңнан аслам, бүгини күнде 200 мыңнан (2018-жылғы көрсеткиш) асты. Соңғы 6 ай ишинде музейге 103 мыңнан аслам мийман келген. Соннан 7091 сырт елли мийманлар. 2018-жылдың 6 айы менен салыстырғанда сырт елли келиўшилер саны 40% ке асқанлығын көремиз.
Ҳәзирде Өзбекстан Республикасы Мәденият Министрлигиниң рухсаты менен келиўшилер музей фондына кириў, ямаса өзиниң илимий жумысларын алып барыў имкәниятына да ийе екен.
2019-жылдан баслап музейдиң социаллық тармақларда рәсмий бетлери ҳәм телеграмм каналы иске түскенлигинен де көпшиликтиң хабары бар. Сондай-ақ, музейдиң 2 имәратындағы экспозиция залларын виртуал тамашалаў имкәнияты жаратылған:


Және де музейде билетлер операциясының бирден-бир электрон тармағы ҳәм Аудиогид хызмети жолға қойылғанының гуўасы болдық. Аудиогид 5 тилде (өзбек, рус, инглиз, немец, француз) хызмет көрсетеди. Қарақалпақ тилинде даўыс жазыў жумыслары алып барылмақта.
Аудиогид музейге келген мийман қолында болып, ол музей ҳаққында ҳәм экспонатлар ҳаққында барлық мағлыўматларды аудиоформатта берип барады.

Музей хызметкерлери қандай басламаларды әмелге асырмақта?

Мине бул сораўымызғада жуўап алдық. Музей хызметкерлери соңғы 6 ай ишинде улыўма билим бериў мектеплери, орта арнаўлы ҳәм жоқары оқыў орынларында 94 мәрте лекция өткерген. видеороликлер, слайдшоулар, музей тарийхы ҳәм экспонатлар ҳақкында мағлыўматлар берилген. Жыл даўамында 150 лекция өткериў режелестирилген.
Және де музейдеги ҳәр бир илимий хызметкер хәм экскурсоводлар тәрепинен 2019-жыл 6 ай ишинде 956 экскурсия өткерилген. Илимий хызметкерлер тәрепинен 10 мақала шығарылған.  Музей тәрепинен 2018-жыл даўамында жәми 23 көргизбе, 2019-жыл (6 ай) 16 көргизбе, соннан 7 көшпели көргизбелер өткерилген.
Биз нəўбеттеги журналистлик тексериўимиз арқалы керекли мағлыўматларға, санлы фактлерге ийе болдық.
Алдағы ўақытлары музейден буннан басқада жаңалықлар күтип қаламыз.

zaman.uz сайты
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы