лучший сайт где можно скачать шаблоны для dle 11.2 бесплатно

Жоқарғы Кеңес Баслығы «Шуқырқақ» турғынларының ҳалынан хабар алды

Усы жылдың 6-август күни Қарақалпақстан Республикасы Жоқарғы Кеңесиниң Баслығы М.Ер­ния­зов Нөкис қаласынан 230 км ден аслам қашықлықта жайласқан Елликқала районының «Шуқырқақ» аўыл пуқаралар жыйыны турғынларының ҳалынан хабар алды.
Жергиликли халық пенен болып өткен ушырасыўға министрликлер менен ве­домстволардың, ҳуқық қорғаў уйымларының, район ҳәкимлигиниң басшылары, жәмийетлик шөлкемлердиң ҳəм ғалаба хабар қуралларының ўәкиллери қатнасты.

Өткерилген ушырасыў даўамында пуқаралар тийкарынан жол қурылысы, жер майданын ажыратыў, байланыс хызмети, турақ жай, билимлендириў, мектепке шекемги билимлендириў, медициналық ҳәм коммуналлық хызмет көрсетиў сыяқлы мәселелерде мүрәжат етти.
Анығырағы, пуқаралардың 40 тан аслам мүрəжаты тыңланып, соннан 20 ға жақын мүрəжат сол жердиң өзинде шешимин тапты. Қосымша үйрениў ҳәм ўақыт талап ететуғын мүрәжатлар бойынша тийисли министрлик, мәкеме ҳәм шөлкемлердиң басшыларына анық тапсырмалар белгилеп берилди.

Соның менен бирге, аўыл пуқаралар жыйынындағы кем тəмийинленген шаңарақларға телевизор, гилем, азық-аўқат өнимлери, ал, 33-санлы мектеп жəмəəтине ҳəр қыйлы атамадағы 100 дана əдебий китап, жаңа парта ҳəм тахталар да берилди.

«Шуқырқақ» ауылтпуқаралар жыйыны 2002-жылы шөлкемлестирилген болып, жергиликли халық тийкарынан шарўашылық пенен шуғылланады. Aўыл пуқаралар жыйынында бүгинги күнде 700 ден аслам аслам халық жасайды.

Дерек: KRuz.uz
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы