лучший сайт где можно скачать шаблоны для dle 11.2 бесплатно

Валюта сатып, абырой алалмаған «исбилермен»

Усы мақаланы жазыў мақсетинде қолыма қәлем алғанымда «Тегин пайда тесип шығады» деген нақыл ериксиз есиме түсти.

Қоңырат районында жасаўшы Сейтжан (исимлер өзгертирилди) исимли пуқара бурын валюта алды-саттысы менен шуғылланып жүрип, хуқық қорғау уйымы хызметкерлери тәрепинен иркиўге алынып 2018-жылғы 7-декабрь күни Қоңырат районы хәкимшилик судының қарары менен Өзбекстан Республикасы Хәкимшилик жуўапкершилик хаққындағы кодексиниң 170-статьясы менен хәкимшилик жуўапкершиликке тартылғанлығынан тийисли жуўмақ шығармастан нызамсыз жол менен дәрамат табыуды мақсет етип 2019-жыл 17-апрель күни Хорезм ўәлаяты Үргенч қаласында жасаўшы Бахтияр исимли пуқараға Қоңырат районы «Қоңырат саўда комплекси» ЖШЖ аймағындағы дүканда 1 АҚШ долларына 8.550 сумнан есаплап жәми 3.000 АҚШ долларын 25.650.000 сумға сатқан ўақытта, хуқық қорғау уйымы хызметкерлери тәрепинен иркиўге алынды.

Усы жерде хуқықбузыўшының алдын Өзбекстан Республикасы хәкимшилик жуўапкершилик хаққындағы кодекстиң 170-статьясы менен хәкимшилик жуўапкершиликке тартылғанынан тийисли жуўмақ шығармаған. Керисинше нызам бузып пул табыўды мақул көрип усы жолды таңлаған.
Департаменттиң Қоңырат районы бөлими тәрепинен алып барылған илаж нәтийжесинде оның нызамбузыўшылық хәрекетине шек қойылды.

Ақыбетте, жүзи төмен болып, суд алдында басы ийилиўине туўра келди. Нызамды бузған адамның ҳәрқашанда нызам алдында жуўап беретуғыны хақыйқатлық екенин билетуғын жаста болыўына қарамастан және бул қылмысқа қол урған. Сейтжан бул қылмысы менен жынаят кодексиниң 177-статьясы 2-бөлими менен 57-статьясы қолланып ең кем айлық ис-хақының 75 есеси муғдарында жәрийма төлеўге мәжбүр болды.

Хәр қандай унамсыз исти, хәр ким өзиниң басына түскенде, оған себепши өзи екенлигин мойынлағысы келмейди. Өзиниң ислеген исиниң қәтелигин, басы тасқа тийгенде ғана түсинип жететуғынын турмыслық ўақыялардан көрип атырмыз. Биз хәр қандай инсанның қыңыр жолдан жүриў, үлкен қәтелик екенлигин ескертип өтпекшимиз.


Д.Разов
Жынаят ислери бойынша
Қоңырат районы суды баслығы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы