лучший сайт где можно скачать шаблоны для dle 11.2 бесплатно

Қарақалпақстан Республикасында 190 исбилерменниң жумысы қайта тикленди

Елимизде исбилерменликти ҳәр тәреплеме қоллап-қуўатлаў, олардың нызамлы жумысларына кең жол ашып бериў мәмлекет сиясатының ең әҳмийетли бағдарларынан  бири болып есапланады.
Президентимиз басшылығында 2 август күни болып өткен киши бизнес ҳәм исбилерменликти раўажландырыў бойынша әмелге асырылып атырған жумыслар таллаўына бағышланған видеоселектор жыйналасында жумысларын тоқтатқан киши бизнес субъектлерин қайта тиклеў мәселелери қен түрде талланды.
Атап айтқанда, Қарақалпақстан Республикасында мәмлекетлик салық органлары тәрепинен бүгинги күнде исбилерменлик жумысларын қоллап-қуўатлаў, олардың жумысларын даўам еттирип барыўда кең имканиятлар жаратып бериў, республикамызда өз жумысын жүритип киятырған  ямаса жумысын ўақтынша тоқтатып қойған жеке тәртиптеги исбилерменлер жумысын қайта тиклеўге көмеклесиў мақсетинде үйрениў ҳәм қадағалаў илажлары алып барылмақта.
Мине усындай өткерилген профилактикалық илажлар даўамында Қарақалпақстан Республикасы бойынша өз жумысын тоқтатып қойған 5296 жеке тәртиптеги исбилерменниң 190 ының жумысы қайта тиклениўине ерисилди ҳәм мәмлекет бюджетине 57 миллион сум қосымша қаржы өндирилиўи тәмийинленди. Сондай-ақ, соңғы бес жыл даўамында жумысын тоқтатып қойған 2954 исбилерменлик субъектлери Өзбекстан Республикасы Президентиниң 2007-жыл 27-апрелдеги 630-санлы қарарына тийкар мәмлекет реестрынан шығарылыўы тәмийинленди.  
Орынларда салық органлары хызметкерлери тәрепинен жумысын ўақтынша тоқтатып қойған исбилерменлик субъектлериниң кейинги жумысын қайта тиклеў бойынша үйрениў жумыслары даўам етпекте.

Қарақалпақстан Республикасы Мәмлекетлик салық басқармасы Мәлимлеме хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы