лучший сайт где можно скачать шаблоны для dle 11.2 бесплатно

Қараөзек районында нызамсыз балық аўлағанларға жәрийма белгиленди

Бүгинги күнде Қарақалпақстан Республикасы Экология ҳәм қоршаған орталықты қорғаў комитети тәрепинен тәбиятқа ҳәм ҳайўанат дүньясына зыян жеткерилип атырған бир қанша ҳуқықбузарлықлар анықланып жәриймалар белгиленбекте.
Атап айытқанда комитеттиң Биокөптүрлилик ҳәм қорғалатуғын тәбийий аймақлар мәселелер бөлими инспекторлары Б.Қурбаналиев ҳәм К.Хожамуратовлар тәрепинен 2019-жылы 5-июнь күни Қараөзек районында өткерилген нәўбеттеги рейд даўамында усы аймақта мәмлекетлик белгиси 95 v 868 болған «Матиз» маркалы автомобиль тоқтатылады.

Инспекторлар тәрепинен тексериў даўамында балықларды аўлаў қадаған етилген ўақытта пуқаралар Ж.А, Қ.Е, А.А, Ө.Б ҳәм О.Н.лар Қараөзек районы «Алғабас» АПЖ аймағынан ағып өтип турыўшы КС-3 коллекторрынан 2 дана ақ амур, 2 дана сазан, 2 дана жылан бас балықларын услап алып киятырғаны анықланған.

Пуқаралар бул нызамсыз ис-ҳәрекети арқалы Ҳайўанат дүньясына 8 514 660 сум зыян жеткерген.

Рейд даўамында айғақлық зат ретинде алынған еки дана резина қайық, 2 дана шанышқы, 2 дана аккумлятор ҳәм 2 дана жарытқыш үскенелери ўақтынша комитетте сақланбақта, деп хабар береди Қарақалпақстан Республикасы Экология комитетиниӊ Жамийетшилик ҳәм ҒХҚ менен ислесиў бөлими.

Ҳәкимшилик ислери бойынша Қараөзек районы суды тәрепинен Хуқықбузыўшыларға Ҳәкимшилик жуўапкершилик ҳаққындағы кодекстиӊ тийисли статьясы менен еӊ кем айлық ис ҳақыныӊ 4 есесинде жәрийма белгиленди.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы