лучший сайт где можно скачать шаблоны для dle 11.2 бесплатно

Мийнет мигрантлары ушын пәрманның әҳмийети додаланды



Миграция тәбийии процесс. Дүньяның бирде-бир мәмлекети буннан жүз бурмайды, миграция процесин тоқтатыў да мүмкин емес. Бирақ усы процессти тәртипке салыў ҳәм өз пуқаралары ушын ҳуқықый қорғаў механизмин жаратыў мүмкин. Өзбекстан усы жолда зәрүр реформаларды әмелге асырып келмекте.
Президентимиздиң “Сырт елде ўақытша мийнет искерлигин әмелге асырып атырған Өзбекстан Республикасы пуқаралары ҳәм олардың шаңарақ ағзаларын қорғаў кепилликлерин жәнеде күшейттириў илажлары ҳаққында”ғы ПП-5785-санлы пәрманы буның дәлилидир. Бул бағдарда жақында Исбилерменлер ҳәрекети – Өзбекстан Либерал –демократиялық партиясы Қарақалпақстан Республикалық Кеңеси тийисли министрлик ҳәм шөлкемлер менен биргеликте усы пәрманның мазмун-мәнисин, пәрманда белгилеп берилген тийкарғы ўазыйпаларды додалаўға бағышланған илаж болып өтти.
Онда партияның Қарақалпақстан Республикалық Кеңеси хызметкерлери, тийисли министрлик ҳәм шөлкемлер, депутатлар ҳәм ғалаба хабар қураллары ўәкиллери қатнасты.
Илажды өткериўден мақсет болса усы пәрманның мазмун-мәнисин әҳмийетин кең жәмийетшиликке әсиресе электорат ўәкиллерине үгит-нәсиятлаў, пәрманда белгилеп берилген баслы ўазыйпаларды додалаў, бул бағдарда партияның алда турған баслы ўазыйпалары бойынша мәселелер сөз етилди.
Пәрманда пуқараларды сырт еллерде жәмлеспеген ҳалда жумысқа жайластырыў, олардың ҳуқықларын қорғаў механизмлерин күшейттириў, мийнет миграциясынан қайтып келген шахслар, сондай-ақ олардың шаңарақ ағзаларын социаллық қоллап-қуўатлаўға қаратылған анық ўазыйпалар белгиленди.
Илаж қатнасыўшылары усы ҳүжжеттиң тийкарғы тәреплери ҳаққында сөз жүргизип, онда сырт елде жумысқа жайласыў менен байланыслы транспорт ҳәм басқа хүжжетлерди қаплаў ҳәмде зәрүр ҳүжжетлерди рәсмийлестириў ушын мийнет мигрантларына қаржылай жәрдем көрсетиў, олар ушын миграцион ҳәм мийнет нызамшылығы бойынша қысқа мүддетли оқыўларды шөлкемлестириў, мүтәж мийнет мигрантларына ҳуқықый ҳәмде социаллық жәрдем көрсетиў, сырт елде ислеп Ўатанымызға қайтып келген мийнет мигрантларына басқа мәселелерде көмеклесиў, олардың шаңарақ ағзаларына үй-жай шараятларын жақсылаўда жәрдем бериў киби турмыслық мәселелер қамтып алынғанлығы атап өтилди.
Буннан тысқары сырт елде жумысқа жайласыў менен байланыслы болған қәрежетлерди төлеў ушын 2 миллион сўм муғдарында микроқарызлар бериў системасы енгизилмекте. Соның менен бирге ҳәр бир кепиллинген мийнет мигрантына жылына бир мәрте 50 мың сўм муғдарында шет елде мийнет жумысларын әмелге асырыў даўамында турмысы ҳәм саламатлығы және басқа да тәўекелшиликлерди кепиллеў бойынша кепиллик пулы суммасын қаплаў ушын суғурта компанияларына субсидия усыныс етиў тәртиби ислеп шығылатуғын болды.
Сондай-ақ үй-жай шәраятларын жақсылаўға зәрүрлиги болған мийнет мигрантларына 2020 жылда көп қабатлы үйлерден республика бойынша жәми 3 462 үй ажыратылыўы нәзерде тутылған.
Ҳүжжетте ўақтынша мийнет етип атырған сырт елге кетиўге усыныс еткен пуқараларға онлайн режиминде жумысқа жайласыў тәртиби, олардың ҳуқық ҳәм мәжбүриятлары, сондай-ақ нызамшылықта нәзерде тутылған қаржылай қоллап-куўаатлаў илажлары ҳаққында мәлимлеме берип барылады.
Бир сөз бенен айтатуғын болсақ, пәрман мийнет мигрантларының нызамлы түрде жумысқа болған хошаметин асырады. Сондай-ақ мийнет мигрантлары ҳуқықларын қорғаўдың тийкарғы процесслерин турмысқа енгизиў механизмлерин ислеп шығыўға хызмет етеди.
Илаж даўамында мәмлекетимиз басшысының усы пәрманы сырт елде мийнет етип атырған ҳәр бир Өзбекстан пуқарасы ендигиден былай итибарда, қорғаўда екенлиги, яғный мәмлекетимиздиң ҳәр бир пуқарасы ол қай жерде, қандай шәраятта мийнет етиўинен тысқары олардың ҳуқықлары мәмлекет қорғаўында алыныўы киби бир қатар жеңиллик ҳәм имканиятлар мазмун-мәнисин халыққа әсиресе бүгин сырт елде ислеў арзыўында жүрген жасларға жеткериў лазымлығы барысында анық ўазыйпалар белгилеп алынды.
ӨзЛиДеП Қарақалпақстан Республикалық Кеңеси Баспасөз хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы