лучший сайт где можно скачать шаблоны для dle 11.2 бесплатно

Есаплағышларды салыстырыўдан ѳткериўде бизге мүрәжат етиң!


Бәршемизге белгили инсан ѳмириниң ҳәр бир қәдеминде ол ямаса бул тараўларында мәмлекет уйымларына дус келиўи анық. Пуқаралардың усындай бир уйымнан бир уйымларға мүрәжат етип, артықша ўақыт ҳәм әўерегершиликлерин болдырмаў мәқсетинде 2019-жыл 20-август күни Министрлер Кабинетиниң 698-санлы қарары қабыл етилди. Қарарға кѳре 1-ноябрьден баслап физикалық ҳәм юридикалық шахслардың электр энергиясы, тәбийий газ, ишимлик ҳәм ыссы суў есаплағышларын шешиў, салыстырыўдан ѳткериўдиң ҳәм орнатыўдың жаңа тәртиби кушке киреди. Аймақлық электр тармақлары кәрханасы, газ тармақлары кәрханасы ҳәм ыссылық, суў тармақлары кәрханалары есапқа алыў үскенесин шешип алып, «Ўзстандарт» агентлигиниң мәмлекет метрология хызмети органларына салыстырыўдан ѳткериўге усынылады ҳәм үйрениледи. Метрология хызмети есаплағышларды салыстырыўдан ѳткереди. Мәжбүрий орынлаў бюросының аймақлық бѳлимлери бәрше басқышларда кәрхана шѳлкемлер менен биргеликте есапқа алыў үскенелерине пломба басыўды әмелге асырады. Есапқа алыў үскенелерин салыстырыў ўақтына юридикалық шахслар ушын 2 жылдан 4 жылға шекем, физикалық шахслар ушын болса 4 жылдан 8 жылға шекем ѳзгерис киритилди. Усы жерде 2019-жыл 1-ноябрьден алдын салыстырыўдан ѳткерилген үскенелер қайта салыстырыўдан ѳткерилеме? -деген сораў пайда болары сѳзсиз әлбетте.

2019-жыл 1-ноябрьге шекем рәсмийлестирилген салыстырыў сертификатының әмел етиў муддети ѳз күшинде қалады. Физикалық ҳәм юридикалық шахслар Мәмлекетлик хызметлери орайларына мүрәжат етиўи ямаса Бирден-бир интерактив мәмлекет хызметлери порталынан дизимнен ѳтиўи керек. Пуқара мүрәжат еткеннен соң белгиленген формада сораўнама толтырылады, бунда тутыныўшының мағлыўматлары ҳәмде хызмет түри кѳрсетиледи. Басқа ҳүжжетлерди талап етиў қадаған етиледи.

Физикалық шахслардан- базалық есаплаў муғдарының 20% Юридикалық шахслардан- базалық есаплаў муғдарының 1,5 есеси муғдарында тѳлем ѳндириледи.
Хызмет Бирден-бир интерактив мәмлекет хызметлери порталы арқалы алынғанда жыйым суммасынан 10% кемейеди. Толтырылған ҳәм тастыйықланған сораўнама дәрҳал тәмийинлеў кәрханалары ҳәм мәжбүрий орынлаў бюросына жибериледи. Буннан соң хызметлер жеткерип бериўши ҳәм мәжбүрий орынлаў бюросы ўәкиллери 5 жумыс күнинде тутыныўшы менен ускенени шешеди ҳәм дәлалатнама дузеди. Есаплағыш қабыл қылып алынғаннан соң 3 жумыс күнинде метрология хызмети тәрепинен салыстырыўдан ѳткериледи. Сертификат рәсмийлестириледи. Тәмийинлеў кәрханалары сертификат алынғаннан соң 2 жумыс күнинен кешикпей ускенени метрология хызметинен алып кетеди ҳәм 3 жумыс күнинде мәжбүрий орынлаў бюросы хызметкерлери менен биргеликте келисилген ўақытта оны орнатады ҳәм пломбалайды.

Ҳүрметли тутыныўшылар! Есаплағышларыңызды салыстырыўдан ѳткериўде артықша ўақыт, әўерегершилик, бюрократиядан шаршадыңызба ендиликте тек ғана Мәмлекетлик хызметлер орайларына мүрәжат етсеңиз жетерли ѳйткени пуқаралар мүрәжати ҳәр дайым итибарда!

Элдар Бекешов
Қоңырат районы Мәмлекетлик хызметлер орайы ҳүжжетлерди қабыл етип алыў ҳәм усыныў бѳлими баслығы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы