лучший сайт где можно скачать шаблоны для dle 11.2 бесплатно

Коррупция мақсетке ерисиўдиң жолы емес

Мәмлекетимизде коррупцияға қарсы гүресиў бойынша мәмлекетлик бағдарлама қабыл етилди. Буған себеп 2019-жылдың январь айында коррупция бойынша халқаралық рейтингте 180 мәмлекет ишинде Өзбекстанның 153-орынды ийелегени тийкар болды.

Президентимиз тәрепинен усы 27-мартта “Өзбекстанда коррупцияға қарсы гүресиў системасын және де жетилистириў ҳаққында”ғы пәрманы қабыл етилди. Пәрман тийкарында “2019-2020-жылларда коррупцияға қарсы гүресиў мәмлекетлик бағдарлама”сы тастыйықланды. Бул ҳүжжеттиң тийкарғы мақсети елимизде коррупцияға қарсы гүресиў системасы нәтийжелилигин асырыў, мәмлекетимизде ең жоқары дәрежедеги исбилерменлик орталығын жаратыў ҳәм Өзбекстанның халықаралық майдандағы унамлы статусын қәлиплестириўге қаратылған.

Сондай-ақ пәрманда коррупцияға қарсы гүресиў бағдарында мәмлекетлик сиясатының баслы қысқа мүддетли (2019-2020-жылларда) жөнелислери де белгиленди.
Олардан атап өтер болсақ, ҳәр қандай шараятта судларға нызамға қайшы рәўиште тәсир өткермеў, мәмлекетлик хызметкерлерди таңлаў тийкарында лаўазымларға тайынлаўда ашық-айдынлықты тәмийинлеў арқалы коррупцияның алдын алыў, коррупция ҳаққында хабар берген шахсларды қорғаўдың ҳуқықый механизмлерин ислеп шығыў, кең жәмийетшиликтиң ҳуқықый мәдениятын арттырыў арқалы коррупцияға қарсы пикирлерди қәлиплестириў, ҒХҚ еркинликлерин тәмийинлеў арқалы олардың коррупцияға қарсы гүресиўдиң нәтийжелери бойынша өткерилетуғын мониторинглерге қатнастырыў болып табылады.
Мәкемелер аралық коррупцияға қарсы гүресиўдиң нәтийжелилигин әмелге асырыў, олардың жумысларының ашық-айдынлығы механизмлери жәрия етиў, коррупцияға имканият жарататуғын себеп ҳәм шараятларды түп-тамыры менен жоғалтыў ҳәммемиздиң биринши дәрежели ўазыйпаларымыз есапланады. Сонлықтанда, жаңа оқыў жылынан баслап ҳәмме билим бериў мәкемелеринде жасларға коррупцияға қарсы гүресиў бағдарында ҳуқықый билим бериў бойынша ис-илажлар алып барылмақта. Және де усы жыл 1-августтан баслап эксперимент сыпатында шет елли экспертлерди тартқан ҳалда қурылыс ҳәм жоқары билимлендириў тараўларында “Коррупциясыз тараў” жойбары әмелге асырылмақта. Бул жойбар 2020-жылдың 1-апрелинен баслап басқа тараўларда да басқышпа-басқыш әмелге асырылыўы көзде тутылған.
“Коррупция менен ҳеш қашан мақсетимизге ерисе алмаймыз,”-деп Президентимиз Ш.Мирзиёевтиң айтқанындай мәмлекет, пүткил жәмийетимиздиң раўажланыўына тосық болатуғын коррупцияның алдын алыў иләжлары өткерилмекте.

Пуқараларымыз мәмлекетлик хызметлердиң ашық-айдын әмелге асырылыўы нәтийжесинде коррупциясыз жәмийетимизге тийкар салынып атырғанының гүўасы болмақта.

Айгул ТАТЛЫМУРАТОВА
Нөкис районы Мәмлекетлик хызметлер орайы бас қәнигеси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы