лучший сайт где можно скачать шаблоны для dle 11.2 бесплатно

Қоңырат районлық Мәмлекетлик хызметлер орайы халыққа қолай, ашық, унамлы хызмет кѳрсетип келмекте.



Мәмлекетимизде мәмлекетлик хызметлер кѳрсетиў системасы тез пәт пенен раўажланып модернизация қылынбақта. Әлбетте пуқаралардың мүшкилин аңсатластыратуғын заманагѳй технологияларға тийкарланған бул система халыққа унамлы қолайлықлар жаратып атыр.

Ҳәзирги ўақытта Қоңырат районы Мәмлекетлик хызметлер орайы тәрепинен де тек ғана исбилерменлик субъектлерине емес ал, халыққа да ең зәрүр ҳәм талап жоқары болған 100 ден аслам мәмлекет хызметлерин “бир айна” принципи тийкарында кѳрсетип келмекте. Қоңырат районы Мәмлекетлик хызметлер орайы тәрепинен жыл басыннан усы күнге шекем жәми 45 мыңнан аслам хызмет кѳрсетилген болса, соннан 1400 ден асламы юридикалық шахсларға ал, 42 мыңнан асламы физикалық шахсларға кѳрсетилген.
Орайға келиў имкәнияты болмаған I-II топар майыплары, район аймағынан алыс жерлерде жасаўшы пуқаралардың алысын жақын қылыў, артықша қәрежет ҳәм әўерегершиликлерин болдырмаў мәқсетинде ҳәптениң шемби ҳәм екшемби күнлери кѳшпели түрде мәмлекет хызметлери кѳрсетилип келинбекте. Бул кѳрсеткиш ҳәзирги күнде 2700 хызметти қурайды.
Буннан басқа районнан ең алыс аймақта жайласқан Қарақалпақстан ҳәм Жаслық ППЖ да шахабшалар ашылған.

Киши бизнес ҳәм жеке исбилерменликти раўажландырыў, халықтың бәнтлигин ҳәм дәраматларын арттырыўда әҳимийетли фактор болып табылады. Исбилерменлик ҳәрекетин дизимнен ѳткериў, ҳәр түрли рухсатнамалар алыў ҳәм басқада хызметлердиң тәртип қағыйдалары әпиўәйыластырылды.Орай тәрепинен жыл басынан бүгинги күнге шекем 231 юридикалық 556 жеке тәртиптеги исбилермен дизимнен ѳтти.
Интернет ҳәм мобил технологиялардан пайдаланыўшы пуқаралар бирден бир интерактив Мәмлекет хызметлер порталы арқалы, fo.birdarcha сайты арқалы да дизимнен ѳтиў имкәниятына ийе. Исбилерменлик, электрон ҳүкимет бойынша орынларда ѳткерилген үгит нәсият жумыслары нәтийжесинде жыл басынан 24 юридикалық, 13 физикалық шахс электрон түрде реал ўақыт режиминде дизимнен ѳтип ѳз исбилерменлик ҳәрекетин жүргизип атыр.
Мәмлекетлик хызметлер орайлары тәрепинен кѳрсетилип атырған бундай хызметлерден пуқаралар жүдә қуўанышлы. Ѳйткени пуқаралар алдынлары ҳүжжет таярлаўда бир қанша әўерегершиликке дус келер еди. Бул тийкарсыз қәрежетлерге, пуқаралардың артықша күтип қалыўы болса нәўбетлерди жүзеге келтирер еди. Ҳәзирде тек ғана Мәмлекетлик хызметлер орайына мүрәжат етсе жетерли себеби, “ Пуқаралар мүрәжаты ҳәр дайым итибарда! ”

Шахноза Балтабаева
Қоңырат районы МХО телефон хызметин көрсетиў секторы байлнаыс операторы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы