лучший сайт где можно скачать шаблоны для dle 11.2 бесплатно

Жынаят кодексинен 2 статья шығарып тасланыўы мүмкин


Өзбекстан Республикасы Әдиллик министрлиги тәрепинен исбилерменлик искерлигин әмелге асырыўда белгиленген талапларды бузғанлығы ушын жуўапкершиликти белгилеўши нызам ҳүжжетлери мәмлекетте әмелге асырылып атырған реформалар талапларына муўапықлығы бойынша анализ етилип, жуўапкершиликти либералластырыў бойынша усыныслар ислеп шығылды. Атап айтқанда:


1. Жынаят кодексиниң 189-статьясында белгиленген саўда ямаса хызмет көрсетиў қағыйдаларын бузғанлығы ушын жынайый жуўапкершиликти шығарып таслаў усынылмақта.


Ҳәзирги ўақытта айыпкер тәрепинен саўда қағыйдалары бузылғанлығы ушын оған қарата ҳәкимшилик жаза шаралары, Салық кодексиндеги финанслық жаза шаралары ҳәм басқа нызам асты ҳүжжетлери тийкарында үлкен муғдардағы жәриймалар белгиленген болып, буннан тысқары айыпкерге жынайый жуўапкершилик те белгиленген.


Бул болса, тап сондай ҳуқықбузарлық ушын еки ҳәм оннан артық жаза шарасы қолланылыўына себеп болып, амелде әдиллик принципиниң бузылыўына алып келеди.


Усы мүнәсибет пенен Жынаят кодексинен 189-статьяны шығарып таслаў мақсетке муўапық.


2. Жынаят кодексиниң 192-статьясындағы бәсекилесин абыройсызландырыў ушын белгиленген жынайый жуўапкершиликти шығарып таслаў да усынылмақта.


Мәмлекетимизде бәсеки орталығын қәлиплестириў ҳәм монополистлик искерликке қарсы гүресиўге байланыслы жәмийетлик қатнасықлар «Бәсеки ҳаққында»ғы Нызам менен тәртипке салынады.


Усы Нызамның 27-статьясында бәсеки ҳаққындағы нызам ҳүжжетлерин бузғанлық ушын ҳәкимшилик жуўапкершиликке тартыў белгиленген болып, жынайый жуўапкершиликке тартылыўы мәселеси нәзерде тутылмаған.

Заманагөй юриспруденция усы тараўдағы мүнәсибетлерди жынаят-ҳуқықый шеңберинде емес, бәлким жеткерилген зыянға көре, экономикалық –ҳуқықый ямаса пуқаралық – ҳуқыкый мүнәсибетлер шеңберинде тәртипке салыў мақсетке муўапықлығын көрсетпекте.


Ҳәзир усы усынысларды өз ишине алған нызам жойбары Норматив-ҳуқықый ҳүжжетлер жойбарлары додалаўы порталында (regulation.gov.uz) додалаўға қойылған.


Дерек: t.me/huqiqiymalimleme


Telegram telegram.me/zamanuz

Youtube

https://www.youtube.com/channel/UCMMcT-IYa3k-X_CBH0CA7AA

Instagram

https://www.instagram.com/zamanuznews

Facebook

https://www.fb.com/groups/zamanuz

Odnoklassniki

https://ok.ru/profile/587772391438



скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы