лучший сайт где можно скачать шаблоны для dle 11.2 бесплатно

"Спарк" не ушын инспекторға бойсынбады? ИИМниң рәсмий мағлыўматы

Социаллық тармақларда жол-патруль хызметкерин автомобиль капоты үстинде ярым километр аралыққа шекем сүйреп кеткен «Spark» видеосы тарқалған еди.



Қарақалпақстан Республикасы Ишки ислер министрлиги Жол патрул ҳәрекети қәўипсизлиги басқармасы ўақыяға анықлық киргизди.

Хабарда айтылыўынша, ўақыя усы жылдың 24-ноябрь күни жүз берген.

ЖПХ инспекторы А.Баймуратов мәмлекетлик белгиси 95s 815 болған "Спарк" маркалы автомашинаның баскарыўшысы қол телефонынан пайдаланып киятырғанлығы себепли тоқтатпақшы болғанында, "Спарк" басқарыўшысы ЖПХ хызметкерине бойсынбастан, ҳәрекетленип баратырғаны ҳаққында күндизги дислокацияға муўапык З.Абдамбетов көшесинде хызмет алып барып атырған кәсиплеси ЖПХ инспекторы Б.Халмуратовқа хабар береди.
"Спарк" автомашинасы инспектор Б.Халмуратов тәрепинен тоқтатылған, бирақ, тоқтап турмастан автомашина басқарыўшысы транспортты инспекторқа қарай ҳәрекетлентирген ҳәм инспектор капот үстинде 200 метрге шекем "минип" барып, тоқтаған.

Инспектор "Спарк" басқарыўшысына ҳәкимшилик баянлама рәсмийлестирип атырғанда пияда киятырған және бир пуқара Ж.Б. келип ўақыяны видеоға түсирип, ЖПХ хызметкериниң жумыс ислеўине кесент еткен ҳәм инспектор пуқара Ж.Б. менен шалғып турғанында "Спарк" басқарыўшысы Хожели районы турғыны М.Ш. ўақыя орнынан кетип қалады.

Бул ҳаққында инспектор Б.Халмуратов нәўбетшилик бөлимине хабар береди ҳәм излеў жумыслары нәтийжесинде пуқара М.Ш. иркилип, ҳәкимшилик баянлама дүзилип, автотранспорт жәрийма майданшасына қойылған.

Медициналық тексериўден соң инспектордың дене жарақатын алғаны ҳаққында мағлыўмат алынған.

Инспектордың хызмет алып барыўына кесент еткен пуқара Ж.Б.ның ис-ҳәрекетлери бойынша тийисли тәтипте үйренилип шығылмақта, делинеди хабарда.

Ўақыяны видеоға түсирген пуқараның автомашинасы ҳүжжетлерин тексериў бойынша иркилкен еди. Бирақ, рациядан келген хабардан соң инспектор ҳуқықбузыўшыны тоқтатпақшы болғанында жоқарыдағы ўақыя жүз берген.

Ҳәзирги ўақытта ўақыя бойынша Нөкис қаласы прокуратурасы тәрепинен тергеўге шекемги сорастырыў жумыслары алып барылмақта.

Telegram telegram.me/zamanuz
Youtube
https://www.youtube.com/channel/UCMMcT-IYa3k-X_CBH0CA7AA
Instagram
https://www.instagram.com/zamanuznews
Facebook
https://www.fb.com/groups/zamanuz
Odnoklassniki
https://ok.ru/profile/587772391438

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы