лучший сайт где можно скачать шаблоны для dle 11.2 бесплатно

ҚМУда факультетлер арасында «QVZ кубогы» өткерилди

Университеттиң мәденият сарайында ‟ҚУЎНАҚЛАР ҳәм ЗИЙРЕКЛЕР” таңлаўының факультетлер аралық басқышы болып өтти.

Бул таңлаўдың тийкарғы мақсети  жаслардың бос ўақытын мазмунлы өткериў, қәбилетли жасларды қоллап-қуўатлаў ҳәм университеттиң ‟Жайҳун” КВН командасы қурамына жаңа талант ийелерин излеп табыўдан ибарат.

 

Таңлаўда университетимиздиң 9 факультетинен 9 команда өз ара беллести. Таңлаў 3 басқыштан ибарат болып,

 1-басқыш: Сәлемнама

 2-басқыш: Сораў-жуўап

 3-басқыш: Айтқан қосығым хит болғанда, деп аталады.

 

        Барлық шәртлерде қатнасыўшылар күшли таярлық көргенлигин өзлериниң ҳәркетлери арқалы көрсете алды. Олар өзлериниң саҳналық көринислеринде бүгинги күнде кунделикли турмыста ҳәм оқыў процесинде ушырасып атырған ўақыяларды юмор-сатира менен шебер көрсетип берди. Әсиресе, социаллық тармақлар ҳәм олардың ақыбетлерине байланыслы машқалалар, сондай-ақ, шаңарақ мәселелерин өзинде сәўлелендирген көринислери  тамашагөйлер итибарын тартты.

Таңлаў жуўмағында университет жаслар мәселелери бойынша проректоры Ҳ.Турсынбаев шығып сөйлеп, таңлаў қызықлы ҳәм қызғын беллесиўлерге бай болып өткен өткенлигин айтап өтти. Ҳәр жылы өткерилиўи дәстүрге айланған бул таңлаў быйыл да жоқары кейпиятта өткенлиги, алдынғы жылларға қарағанда сезилерли дәрежеде өсиў бар екенлигин, сол қатарда қәте-кемшиликлер де көзге тасланғанлығына тоқталды.

 Cоң нәтийжелер оқып еситтирилди. Таңлаў жуўмағына муўапық,

1-орын      -   Тәрийх ҳәм ҳуқық факультети

2-орын      -  Тәбияттаныў факультети

3-орын      -   Физика-математика факультети студент-жасларына  несип етти.

 

           Жеңимпазларды бул ерискен табысы менен қутлықлап, кейинги басқышларда да әўмет тилеймиз.

                                                                     


     Гөззал Жалгасова
Химия-технология факультети 1-курс студенти

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Бизди күзетип барың
  • Вконтакте
  • Facebook
  • Twitter
Мақалалар