лучший сайт где можно скачать шаблоны для dle 11.2 бесплатно

Нөкис районы прокуратурасы тәрепинен районлық ХХБның лаўазымлы шахсларына жынаят иси ашылды

Нөкис районы Халық билимлендириў бөлими лаўазымлы шахсларының жәми 63 млн сумлық бюджет қаржыларын өзлестириў ҳәм растрата кылыў жолы менен талан тараж еткен.

(фотосүўреттиң ўақыяға байланысы жоқ)

Нөкис районы прократурасы тәрепинен халық билимлендириў бөлиминде өткерилген тексериў нәтийжесинде, бөлим бас есапшысы А.Ф өзи ийелеп турған лаўазымынан пайдаланып, оның қараўында болған бюджет пулларының жәми 39 млн 450 мың сум муғдарында өзине артықша ис ҳақы есаплап, бюджет пулларын өзлестириў жолы менен талан тараж еткенлиги анықланған.

Нукус районы прокуроры Ш.Алламбергеновтың бизге берген мағлыўматына көре тексериўлер даўамында Нөкис районы халық билимлендириў бөлими бугалтерия бөлими хызметкерлериниң қәтеси менен райондағы 19-санлы мектеп оқытыўшысы Т.Ш ҳәм 7-санлы мектеп оқытыўшысы К.М.ның ҳәмледарлық ҳәм туўыў бойынша пенсияларды есаплаўда және де 21-санлы мектеп оқытыўшысы У.Г.ға қараслы кеселлик бети бойынша пенсияларды есаплаўда бюджет пулларын растрата етиў арқалы талан тараж етилгенлиги анықланған.

Сондай-ақ, райондағы 10-, 9- ҳәм 31-санлы улыўма билим бериў мектеплерин қайта оңлаў ҳәм қурылыс жумысларында жәми 20 миллионнан зыят муғдарында жумыс орынламаған болсада, қабыл етилгенлиги анықланған.

Жәми 63 млн 275 мын 300 сумлық бюджет қаржыларын өзлестирген Нөкис район халық билимлендириў бөлиминиң лаўазымлы шахсларына Нөкис районы прокуратурасы тәрепинен усы жылдың 27-февраль күни Өзбекстан Республикасы Жынаят Кодексиниң 167-статьясы менен жынаят иси ашылып, дәслепки тергеў хәрекетлери алып барылмақта.

Г.Бегжанова zaman.uzскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы