лучший сайт где можно скачать шаблоны для dle 11.2 бесплатно

13 жылда жаңаланған тарийх: Қарақалпақстанлы қызлар волейбол бойынша «Универсиада-2020» спорт жарысларының жеңимпазы болды


Хабарыңыз бар, усы жылдың 1-4-март күнлери аралығында жоқары оқыў орынларының студент-қызлары арасында «киши олимпиада» есапланатуғын «Универсиада-2020» спорт жарысларының волейбол бойынша финал басқышы Нөкис қаласында болып өтти.
Жарысқа аймақлық басқышта жеңимпазлықты қолға киргизген Қарақалпақстан Республикасы, Самарқанд, Наманган ҳәм Жиззақ ўәлаятларының сайланды командалары қатнасты.
Бир неше күн даўам еткен жарыс оғада қызғын беллесиўлерге бай болды.
Жарыс даўамында дәслеп самарқандлы, соңынан наманганлы қызларды толық үстинлик пенен жеңип шыққан Қарақалпақстан Республикасы сайланды командасы бүгин, 4-март күни шешиўши ойынды Жиззақ ўәлаяты командасы менен өткерди.
Өз ара ойын даўамында жиззақлы спортшыларды 25:20, 25:10 ҳәм 25:14 есабында жеңип шыққан қарақалпақстанлы қызлар жарыс жуўмағында 1-орынды ийеледи. Наманган ўәлаяты командасы 2-орын, ал 3-орын жиззақлы жасларға несип етти.
Мағлыўмат ушын, Қарақалпақстан сайланды командасының қурамы Нөкис мәмлекетлик педагогикалық институтының студент-қызларынан ибарат болды.
Спортшыларды жарысқа Қарақалпақстанға хызмет көрсеткен тренер, Өзбекстан спорт ветераны, спорт устасы Азат Казаков таярлады.
Волейбол бойынша «Универсиада-2020» спорт жарысларында 1-орынды ийелеген Қарақалпақстан Республикасы сайланды командасы 2021-жылы өткерилетуғын дүнья жүзилик «Универсиада» ойынларына жолламаны қолға киргизди.
Мағлыўмат ушын, Қарақалпақстан Республикасының волейбол бойынша қызлар сайланды командасы соңғы мәрте 2007-жылы өткерилген «Универсиада» спорт жарысларында алтын медальды қолға киргизген еди.

Ислам Матеков,
НМПИ баспасөз хаткери.
Автордың түсирген фотосүўретлери.скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы