лучший сайт где можно скачать шаблоны для dle 11.2 бесплатно

«Жаслар марафоны»нда 400ден аслам жаслар қатнасты

Өзбекстан Республикасы Президенти Ш.М.Мирзиёевтиң әҳмийетли 5 басламасын әмелге асырыў мақсетинде ҳәм 8-март Халықаралық «Ҳаял-қызлар байрамы» мүнәсибети менен 2020-жыл 4-март күни «Жаслар марафоны» өткерилди.


Өзбекстан жаслар аўқамы Нөкис қалалық Кеңеси, Арқа-Батыс әскерий округи, Миллий гвардия, Нөкис қаласы ҳәкимлиги, Нөкис қалалық ИИБ, Нөкис қалалық дене тәрбия ҳәм спорт бөлими, мәденият бөлими, Өзбекстан Республикасы Президентиниң Нөкис қаласындағы Халық қабыллаўханасы ҳәм басқада шөлкемлер менен биргеликте 4-сектор баслықларының ис-режесин орынлаў мақсетинде Өзбекстан Республикасы Президенти Ш.Мирзиёевтиң әҳмийетли 5 басламасын әмелге асырыў ҳәм 8-март Халықаралық «Ҳаял-қызлар байрамы» мүнәсибети менен 2020-жыл 4-март күни Арқа-Батыс әскерий округиндеги бөлим жас хызметкерлери, оқыўшылар ҳәм мәҳаллелердеги жаслар арасында 5 км аралыққа жуўырыў бойынша ер ҳәм қыз балалар арасында «Жаслар марафоны» шөлкемлестирилди.

Жаслар марафонына 400 ден аслам ер ҳәм қыз балалар қатнасып төрешилер тәрепинен жеңимпазлар анықланды.


Жарыс жуўмағына көре ербалалар арасында сыйлы:

1-орынды Абдимуратов Қуўатбай,
2-орынды Базарбаев Зайыр,
3-орынды Назаров Шарапатлар,
ҳәм қыз балалар арасында
1-орынды Жумаваева Асалай,
2-орынды Ёллиева Мөҳим,
3-орынды Тлеўмуратова Дурданалар ийеледи.
Жеңимпаз жасларға Нөкис қаласы ҳәкимлиги тәрепинен диплом ҳәм қымбат баҳалы естелик саўғалар менен сыйлықланды.

Буннан басқа «Ең жас қатнасыўшы ер ҳәм кыз бала» және де «Ең жасы үлкен ҳаял ҳәм еркек» номинациялары бойынша Садуллаев Азизбек, Нәжиматдинов Жалал,Шамуратова Оғултерек ҳәм Қайратдинова Дилнозалар Нөкис қаласы ҳәкимлиги тәрепинен ҳүрмет жарлықлары ҳәм естелик саўғалар менен сыйлықланды.

Жарысты өткериўден мақсет жасларды спорт пенен шынықтырыў, қабилийетли жасларды жүзеге шығарыў, ҳуқуқбузарлықтың алдын алыў, оларды ҳәр түрли жат идеалардан сақлаў, саламат турмыс тәризин енгизиў ҳәм ўатансуйиўшилик руўҳында тәрбиялаў болып табылады.скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы