лучший сайт где можно скачать шаблоны для dle 11.2 бесплатно

Енди ҒХҚлары Мәмлекетлик хызметлер орайы тәрепинен дизимнен өткерилеме?

Мәмлекетимизде сөз еркинлигин тәмийинлеў, мәлимлеме ҳәм ғалаба коммуникациялар тараўын басқарыў системасын қайта шөлкемлестириў, социяллық-сиясый ҳәм социал-экономикалық раўажланыўдыӊ машқалалы мәселелерин шешиўде ғалаба хабар қуралларыныӊ ролин асырыў бойынша сезилерли дәрежеде жумыслар әмелге асырылып, ғалаба хабар қуралларыныӊ ҳәрекети ушын максимал дәрежеде қолай шәраятлар жаратылмақта.

Және де Президентимиздиӊ “Ғалаба хабар қураллары ғәрезсизлигин тәмийнлеў ҳәмде мәмлекет уйымлары ҳәм шөлкемлери хабар хызметлери ҳәрекетин раўажландырыў бойынша қосымша ис-иләжлар ҳаққында”ғы 2019-жыл 27- июндағы ПҚ 4366-санлы Қарарына муўапық ҳәмде ғалаба хабар ҳәм коммуникациялар тараўында мәмлекет хызметлерин көрсетиў системасын және де жеделлестириў мәқсетинде Министрлер Кеӊеси 2019-жыл 19-декабрде 1017-санлы қарар қабыл етти.

Қарар менен төмендеги ҳәкимшилик регламентлер тастыйықланды:

-ғалаба хабар қуралларын мәмлекетлик дизимнен өткериў бойынша мәмлекетлик хызметлер көрсетиў;

-басып шығарыў жумысларын әмелге асырыш ушын рухсат бериў бойынша мәмлекетлик хызметлер көрсетиў;

-баспаға таярлаў жумысларын лицензиялаў бойынша мәмлекетлик хызметлер көрсетиў.

Бул регламентлерге муўапық, көрсетилетуғын мәмлекетлик хызметлерден пайдаланыў ушын юридикалық ҳәм физикалық тәреплер тек ғана Мәмлекетлик хызметлер орайлары ямаса бирден-бир интерактив мәмлекетлик хызметлер порталы арқалы мүрәжат қылы етигиўы мүмкин.

Мәмлекетлик дизимнен өткерилиўи шәрт болған ғалаба хабар қуралларына төмендегилер киреди:

-күнделикли басылымлар (газеталар,:журналлар, ахборотномалар, бюллетеньлер, альманахлар ҳ.т.б);

-теле, радио,видео, кинохроникал дәстүрлер, информация агентликлери;

-өнимлери Интернет глобаллық тармағы арқалы таркатылатуғын ғалаба хабар қураллары (газеталар, журналлар, ахборотномалар, бюллетеньлер, альманахлар теле, радио, видео, кинохроникал дәстүрлер хәм басқалар);

-тийкарынан балалар, жас өспиримлер, нәгиранлар ушын мөлшерленген, сондай-ақ, билимлендириў ҳәм мәденият бағдарындағы ғалаба хабар қураллары (газеталар, журналлар, ахборотномалар, бюллетенлер, альманахлар теле, радио, видео, кинохроникал дәстүрлер ҳәм басқалар);

-реклама характерине ийе болған ғалаба хабар қураллары (газеталар, журналлар, ахборотномалар, бюллетеньлер, альманахлар теле, радио,видео, кинохроникал дәстүрлер хәм басқалар).
«Реклама» характерине ийе болған ғалаба хабар қураллары делингенде күнделикли басылымларда көлеми 40 % дан, теле, радио бағдарлама еситтириўлер ҳәм көрсетиўдиӊ ҳәр бир саатыныӊ 10 % дан көбисин реклама хабарлары қураса бул реклама қәсийетине ийе болады,

-ғалаба хабар қуралларыныӊ басқа түрлери (газеталар, журналлар, ахборотномалар, бюллетеньлер, альманахлар теле, радио,видео, кинохроникал бағдарламалар ҳәм басқалар).

Ал, Мәмлекетлик дизимнен өткерилиўи шәрт болмаған ғалаба хабар қуралларына болса төмендегилер киреди:

-мәмлекет ҳәкимияты ҳәм басқарыў уйымлары тәрепинен тек олардыӊ рәсмий хабарлары ҳәм тараўы менен байланыслы болған басқа материалларды дағаза етиў ушын;

-кәрхәна, мәкеме шөлкем (оқыў ҳәм илимий орай)ныӊ өз мүтәжлиги ушын тиражы 100 нусқаға шекем болған күнделикли басылымлар;

-тарқатылыўы бир кәрхәна, мекеме шөлкем (оқыў ҳәм илимий орай)ниӊ имәраты ҳәм аймағы менен шекленген кабел тармақлары арқалы узатылатуғын теле, радио, видео, кинохроникал дәстүрлер, аудиовизуал хабарлар ҳәм материаллар киреди.

Өзбекстан Республикасы Президенти Админстрациясы жанындағы Мәлимлеме ҳәм ғалаба коммуникациялар агентлиги 15 күн даўамында QR-код қойылған ғалаба хабар қуралларын мәмлекетлик дизимнен өткериў ҳаққында қарар қабыл етеди ямаса мәмлекетлик дизимнен өткериўди бийкарлайды. Мүрәжатшы хабарнама ҳәм ғалаба хабар қуралларын мәмлекетлик дизимнен өткериў ҳаққындағы қарарды алған ўақыттан баслап 3 жумыс күни даўамында хабарнамада белгиленген муғдарда мәмлекетлик бажыны төлейди.

Сондай-ақ бул регламент пенен басып шығарыў усылларын әмелге асырыў ушын рухсат бериў бойынша да мәмлекетлик хызметлер көрсетиў белгилеп өтилген. Басып шығарыў кәрханасы айрықша юридикалық тәреп сыпатында ямаса алдыннан бар болған юридикалық тәреп сыпатында шөлкемлестириледи. Физикалық тәреплер баспахана ҳәрекетин әмелге асырыў ушын жеке тәртиптеги исбилермен сыпатында белгиленген тәртипте дизимнен өткен болыўы тийис.

Басып шығарыў усыллары төмендеги процеслерден ибәрат:

Баспа өнимлериниӊ қәлиплерин таярлаў- бул басып шығарыўға шекемги болған процесс болып, тест әм сүўретлер тийкарында офсет, трафарет яки шайы трафарет, флеско, жоқары баспа, тереӊ баспа, термо баспа ҳәм тампо баспа усылларында басып шығарыў ушын баспа қәлиплерин таярлаў;

Басып шығарыў усыллары:

-офсет усылында басып шығарыў – басып шығарыў жумысларында тийкарынан көп тиражлы басып шығарыў өнимлерин таярлаўда пайдаланыўдағы процесс болып, текст ҳәм сүўретлерди фото қәлиплерден қағазға өткерип басып шығарыў усылы;

-флексо усылында басып шығарыў – фотополимер шийки заты яки жумсақ резинадан рельефли басып шығарыў қәлиби яки суйық бояўлар менен басып шығарыў усылы болып, қағаз, полиэтилен ҳәм усы түрдеги басқада материалларға текст ҳәм сүўретлерди түсириў процесси;

-баспа қәлиплерсиз басып шығарыў – санлы басып шығарыў технологиялары жәрдеминде текст ҳәм сүўретлерди қағаз, полиэтилен ҳәм басқа материалларға басып шығарыў усыллары;

-трафарет яки шайы трафарет усылында басып шығарыў – фотомеханикалық усылда яки қолда таярланатуғын трафареттен түрли материалларға яки таяр санаат өнимлерине текст ҳәм сүўретлердиң сәўлелениўин түсириў;

-брайл усылында басып шығарыў – алты ноқат комбинациясына тийкарланған бөртпе ноқат ҳәм бөртпе рельеф тийкарында көзи әззилер ушын текст ҳәм сүўретлерди басып шығарыў усыллары;

-таяр өнимлер ҳәм материалларға басыў – таяр санаат өнимлери ҳәм материалларға текст ҳәм сүўретлерди қыздырыў яки эластикалық баспа элемент (тампон) арқалы басыў;

3) Басып шығарыўдан кейинги процесслер ҳәм түплеў-бүклеў ҳәм таңлаў, тигиў, кесиў ҳәм форма берип кесиў, желимлеў, ламинациялаў, лаклеў, түплеўге таярлаў, түплеў ҳәм басқа процесслер.

Усы Регламент нусқа көшириў, дизайнерлик ҳәм фотостудия хызмети, текст териў, оригинал макет таярлаў жумысларына енгизилмейди.
Баспаға таярлаў жумысларына лицензия алыў:

Баспаға таярлаў усылларын лицензиялаў бойынша мәмлекетлик хызметлер тек ғана юридикалық шахсларға көрсетиледи.

-мәмлекетлик ҳәкимият ҳәм басқарыў уйымлары, судлар, прокуратура уйымлары тәрепинен рәсмий материаллар, норматив ҳүжжетлер топламлары ҳәм басқа да ҳүжжетлерди басып шығарыўда;

-кәрханалар, шөлкемлер, билимлендириў ҳәм илимий мәкемелер тәрепинен өз жумыслары ушын зәрүр болған ҳәм қолжазба ҳуқықлары менен ғалаба рәўиште тарқатыў яки көбейтиў ушын мөлшерленбеген материалларды басып шығарыўда;

-усы ғалаба хабар қураллары редакциялары тәрепинен ғалаба хабар қуралларын басып шығарыўда талап етилмейди.

Мәмлекетлик хызмет орынлардағы Мәмлекетлик хызметлер орайлары яки Бирден-бир интерактив Мәмлекетлик хызметлер порталы арқалы Өзбекстан Республикасы Президенти Администрациясы жанындағы Мәлимлеме ҳәм ғалаба коммуникациялар агентлиги тәрепинен әмелге асырылады.
Төмендегилер баспаға таярлаў жумысларын әмелге асырыўда лицензия талаплары ҳәм шәртлери есапланады:

-баспаға таярлаў жумыслары тараўындағы нызам ҳүжжетлерине ҳәм техникалық тәрептен тәртипке салыўшы ҳүжжетлер талапларына мәжбүрий әмел етилиўи;

-урысты үгит-нәсиятлаў, мәмлекетлик системаны конституцияға қарсы рәўиште өзгертиў, мәмлекетте қәўипсизлик ҳәм социаллық-экономикалық турақлылықты, миллетлер ҳәм динлер аралық татыўлықты бузыў, Өзбекстан ҳаққында надурыс мағлыўматларды тарқатыў ҳәм оның тарийхый, мәдений ҳәм руўхый қәдириятларын бузып көрсетиў ушын пайдаланыў мақсетинде баспаға таярлаў өнимлерин басып шығарыў ҳәм тарқатыўға жол қойылмаўы;

-баспаға таярлаў жумысларын әмелге асырыў ушын зәрүр болған тийисли материаллық-техникалық база, әсбап-үскенелер ҳәм техникалық қураллардың болыўы;

-лицензияда көрсетилген қәнигелик бойынша баспаға таярлаў жумысларын әмелге асырыў;

-баспаға таярлаў-басып шығарыў сапасының нызамшылықта белгиленген талаплар ҳәм стандартларға муўапықлығын тәмийинлеў;

-авторлық ҳуқықына әмел етиў;
-лицензия талапкер тәрепинен таярланған басып шығарыў өнимлериниң (соның ишинде, усы өним қурамына кирген шығармалардың) нусқалары, таярланған нусқалар саны, сондай-ақ, лицензия талапкери яки буйрытпашының баспаға таярлаў ҳуқықын (лицензия талапкери тәрепинен авторлық ҳуқыкларына әмел етилиўи) тастыйықлаўшы ҳүжжетлер есабының жүргизилиўи;

-лицензия талапкери тәрепинен баспаға таярлаў жумысларының өрт қәўипсизлиги қағыйдалары, санитариялық-гигиеналық нормалары, мийнетти (өндиристи) қорғаў талапларына жуўап беретуғын имәрат ҳәм ханаларда әмелге асырылыўы;

-юридикалық тәреп штатында тийисли жоқары яки орта арнаўлы мағлыўматқа ҳәм баспаға таярлаў ислеринде кеминде 3 жыллық жумыс тәжрийбесине ийе болған кеминде бир хызметкердиң болыўы шәрт.

Кәрханалар, шөлкемлер кәрхана, мәкеме шөлкем, оқыў орынлары ҳәм илимий орайлар тәрепинен өз жумыслары ушын зәрүр болған ҳәм қолжазба ҳуқықлары менен ғалабалық түрде тарқатыў ямаса көбейтиў ушын мөлшерленбеген материалларды баспаға таярлаўда бул ғалаба хабар қураллары редакциялары тәрепинен баспа ғалаба хабар қуралларын баспаға таярлаўда талап етилмейди.

Регламентке тийкар ғалаба хабар қуралларын мәмлекетлик дизимнен өткерилгенлиги ҳаққындағы гуўалық ҳәм баспаға таярлаў жумысларын лицензиялаў ҳуқықын бериўши лицензия шекленбеген мүддетке, ал басып шығарыў усылларын әмелге асырыў ҳәрекетин әмелге асырыў ушын гуўалық бес жыл мүддетке бериледи.


Шахноза Балтабаева
Қоӊырат районы
Мәмлекетлик хызметлер орайы
байланыс операторыскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы