лучший сайт где можно скачать шаблоны для dle 11.2 бесплатно

Қаламыздағы теплица комплексин шөлкемлестриў, интенсив бағ жаратыў, музлатқышлы қоймаханалар (холодильник) ҳәм аўыл хожалығы техникаларын сатып алыўға бағдарланған исбилерменлик субъектлери д ы қ қ а т ы н а ! !

Өзбекстан Республикасы Президентиниң 2020-жыл 10-апрель күнги “Япония халықаралық шериклик агентлиги қатнасындағы “Мийўе-палыз өнимлери тармағында қосылған қун избе-излигин жаратыўды раўажландырыў” жойбарын әмелге асырыў ис-илажлары ҳаққында”ғы ПҚ-4669-санлы қарарына муўапық, республикада мийўе-палыз өнимлери тармағын раўажландырыўға қаратылған ис-илажларды өз мүддетинде нәтийжели әмелге асырыў, аўыл хожалығы кәрханаларының финанслық турақлылығын тәмийинлеў, бәсекеге шыдамлы мийўе-палыз өнимлерин ислеп шығарыўды раўажландырыў ҳәмде республика аймақларында жаңа жумыс орынларын жаратыў белгиленген.
Усы қарарға тийкар имтиязлы кредит алыў тәртиби ҳәм шәртлери төмендегише:
Имтиязлы кредит қаржылары төмендеги коммерциялық банклери тәрепинен бериледи:
  • АЖ “Ўзмиллийбанк”
  • АТБ “Туранбанк”
  • АТИБ “Ипотека-банк”
  • АИТБ “Ипак Йўли банк”
  • АТБ “Микрокредитбанк”
  • АТБ “Қишлоқ Қурилиш банк”
  • АТБ “Саноатқурилиш банк”
  • АТБ “Алоқа банк”
  • АТ “Халқ банк”
Жойбарлар ушын имтиязлы кредитлер:
  • 10 жыл мүддетке шекем бериледи, соннан 5 жылға шекем имтиязлы дәўир есапланады;
  • Кредит қаржылары АҚШ долларында жойбарда қатнасыўшы коммерциялық банклери арқалы:
АҚШ долларында – 7-8%;
Ўзб.сўм. – 18-19% бериледи.
Сондай-ақ, “Мийўе-палыз өнимлери тармағында қосылған қун избе-излигин жаратыўды раўажландырыў” жойбары шеңберинде:
1. Бир дийқан ҳәм фермер хожалығы ушын минимал муғдары белгиленбеген ҳәм максимал муғдары 3 млн АҚШ долларына шекем;
2. Клиент жойбардағы үлеси ең кеминде 20 процент эквивалентинде болыўы керек.
Соның менен бирге имтиязлы кредит есабынан импорт қылынатуғын барлық товар, хызмет, техника ҳәм технологиялар, әсбап-үскенелер қосымша бажыхана төлемлеринен азат етиледи.
Имтиязлы кредит қаржыларын рәсмийлестириў ушын төмендеги ҳүжжетлер исбилерменлер тәрепинен коммерциялық банклерине
усыныс етиледи:
  •  Кредит алыў ушын кәрхана басшысының арзасы;
  •  Кәрхананың нызамы ҳәм устав ҳүжжетлери (нусқа);
  •  Мәмлекетлик дизимнен өткенлиги ҳаққындағы гүўалық (нусқа);
  •  Жойбардың экологиялық экпертизасы бойынша жуўмағы;
  •  Ақырғы жыл ушын кәрхананың бухгалтерия балансы ҳәм финанслық есабаты (нусқа);
  •  Товарлар, хызметлерин сатып алыў бойынша имзаланған шәртнама (нусқа);
  •  Сатып алынатуғын товар, хызметлер бойынша кеминде
    3 коммерциялық усынысы;
  •  Бизнес-реже;
  •  Бизнести раўажландырыўда әмелге асырыўы белгиленген режелери бойынша жол карта (дорожный карта);
  •  Гиреў тәмийнаты бойынша тийисли ҳүжжетлер  (кредит суммасынан 125% тен кем болмаған жағдайда);
  •  Жойбар өзгешелигинен келип шығып, коммерциялық банклер тәрепинен басқа зәрүрий ҳүжжетлер талап етилиўи мүмкин.
Имтиязлы кредит алыў тәртиби:
1. Аўыл хожалығы кәрханасы, фермер хожалығы яки исбилермен коммерциялық банклердиң аймақлық филиалына кредит алыў ушын тийисли ҳүжжетлер топламын усынады.
2. Коммерциялық банктың аймақлық филиалы (район яки ўәлаят) тапсырылған ҳүжжетлер топламын үйренип шығып, оларды Кредит комитети тәрепинен көрип шығыўы ҳәм тастыйықлаўы ушын банктың Бас офисине жибереди.
3. Бас банк Кредит комитетиниң унамлы жуўмағынан соң, жойбарды қаржыландырыў ушын Агросанаат бирлеспеси ҳам азық-аўқат тәмийнаты тараўындағы жойбарларды әмелге асырыў агентлигине тийисли ҳүжжетлер топламын киритеди.
4. Агентлик коммерциялық банклери тәрепинен киритилген ҳүжжетлер топламын Халықаралық қаржы институтына келисиў ушын киритеди.
5. Кредит ҳүжжетлери топламы бойынша Халықаралық қаржы институтының унамлы қарары алынғаннан соң Агентлик коммерциялық банктың арнаўлы есап бетине жойбарды қаржыландырыў ушын талап етилген сумманы өткерип береди.
Сондай-ақ, исбилерменлик субъектлерине Исбилерменликти раўажландырыўды қоллап-қуўатлаў мәмлекетлик жамғармасы тәрепинен кредит процентиниң бир бөлегине (қарарда белгиленген муғдарларда) компенсация ҳәм (яки) кредиттиң 50 процентине шекемги бөлегине кепиллик бериледи.
Ҳүрметли исбилерменлер!
“Япония халықаралық шериклик агентлиги қатнасындағы “Мийўе-палыз өнимлери тармағында қосылған қун избе-излигин жаратыўды раўажландырыў” жойбарында келтирилген имтиязлардан нәтийжели пайдаланыўға шақырып қаламыз.
Нөкис қаласы ҳәкимлиги тәрепинен жойбар шеңбериндеги исбилерменлик субъектлерине қолайлы инфраструктураға ийе аймақтан жер майдан менен тәмийинлениўине кепиллик беремиз.
Мүрәжаатлар 2020-жылдың 20-июнь сәнесине шекем көрип шығылады.
Мүрәжат ушын телефон: (61) 222-52-20.
Нөкис қаласы ҳәкимлигиниң Инвестициялар ҳәм сыртқы саўда бөлими.скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы