лучший сайт где можно скачать шаблоны для dle 11.2 бесплатно

Нөкис районда караўсыз қалған зиярат орны (Төктаў)


Нөкис районда караўсыз қалған зиярат орны (Төктаў)
 

Нөкис районда жайласқан «Төк таў» ҳаққында китаплардан ҳәм аўыздан-аўызға өтип, жүрген әпсаналарды көп еситкенбиз. Сизди бул «Төк таў» менен таныстырмай, сол таўда жайласқан «Омар баба» зиярат орнының бүгинги күндеги аянышлы жағдайы ҳаққында сөз етпекшимиз.Жергиликли халықтың бизге берген мағлыўматларына қарағанда, «Төк таў» да жайласқан бул зиярат орны әсирлерге тийисли болып, әтирапы неше жыллардан берли абаданластырылмаған, ал сол жердеги зиярат шийқшысыныӊ үйи болса бир аҳўалға келип қалған.
 
Биз бул орынды үйрениў ўақтында, шийықшы менен жақыннан сәўбетлестик.
- Бул жер тарийхий орын болып, өткен жыллары зияратшылардың изи үзилмейтуғын еди, бүгинги күнге келип олардың саны сийреклесип кетти. Себеби бул зиярат орны тийисли тараў басшыларының итибарынан шетте қалып қойды, район ҳәкимиятына бир неше мәртебе мүрәжат еттик, бирақ нәтийже жоқ.
Нөкис районда караўсыз қалған зиярат орны (Төктаў)
 
Зияратшылар мына мениң жасап атырған үйиме де кириўге қорқады. Бәҳәр ҳәм қыс мәўсимлеринде жайдың басынан жаўын-шашын болғанда суў өтеди. Гөне ошаққа от жағып, келген зияратшыларға «Oмарбаба» ҳаққында айтып берип, қуран оқып күним өтип атыр» - дейди шийықшы.
Нөкис районда караўсыз қалған зиярат орны (Төктаў)
Зияратқа арба изи жол менен барар екенбиз минген көлигимиз батпақтан зорға шығып мәнзилге жетти. Биз зиярат орнының әтирапында зардуштийлик динине байланыслы көринислерди де көрдик.
Үй қасында балық сақланатуғын ҳәўиз болса итибарымызды тартты, бирақ оның кимге тийисли екенлигине анықлиқ киргизе алмадық.
Бүгинги күни ишки туризимди раўажландырыў, соныӊ ишинде зиярат туризиминиң қайта тиклениўи ҳәм бар зиярат орынларына итибар қаратыўдай жумыслар қызғын алып барылып атырған бир ўақытта, Нөкис районы ҳәкимиятының ҳәм абаданластырыў басқармаларының не ушын «Омар баба» тәрийхий зиярат орнына итибар аўдармай атырғаны бизди ойландырады.
 
Нөкис районда караўсыз қалған зиярат орны (Төктаў)
 
Султанбек Зияев
zaman.uzскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы