лучший сайт где можно скачать шаблоны для dle 11.2 бесплатно

Китап - пикирлеў қуралы

Китап - кеўил мүлки. Сонлықтанда, балалығынан китап пенен дос болған адамның дүньятанымы кең, ой-ѳриси озық болатуғынлығы бар гәп. Себеби, китап бизге билим бериў менен бирге ѳмирде туўры жол кѳрсетиўши сырлас дос. Китап оқыўдың пайдалы тәреплери ҳаққында уллы ойшыл Абдирахман Жәмий «Билимдонлар сўзи бордир бу бобда, Билимдон тўрда-ю, илми китобда» деп келтиреди. Китап оқыў ушын адамнан сабыр-тақат ҳәм илгир зейин талап етиледи. Қәнигелер китап оқыўда тѳмендеги усынысларды келтиреди. Бул инсанның даўамлы ҳәм турақлы китап оқыўына жақыннан жәрдем береди.
1. Бириншиден, не ушын китап оқыў кереклигин аңлап жетиң. Себеби, адам китапты не ушын оқып атырғанлығын аңлап жетсе ҳеш қандай ита пол ушын зеригерли болмайды. Биз ҳәр күни аўқатланыў арқалы физикалық денемизди азықландырамыз. Ал, китап оқыў арқалы руўхыятымыз азықланады.
2. Мақсетти белгилеп алың. Яғный, китап оқыў арқалы дүньяқарасыңыз байып, ойлаў ҳәм пикирлеў қәбилетиңиздиң раўажландырыўды мақсет етиң. Бул сизге китап оқыўдың даўамлы болатуғынлығына ѳз пайдасын тийгизеди.
3. Ѳзиңизге күнделикли ўазыйпа белгилеп алың. Мәселен, китап оқыўды енди баслап атырған адам күнине 5 яки 10 бет китап оқыўды белгилеп алғаны мақул. Сонда бир айда 150 яки 300 бет китап оқыған болады. Бул китап оқыўға әдетленбеген едам ушын жақсы нәтийже. Егер белгиленген 5 бетти оқый алмай қалған жағдайда ертеңине қосып оқыған мақул. Болмаса қалып кетиўи мүмкин.
4. Китап оқыўды қызықлы ҳәм кѳлеми кешкене китаплардан баслаң. қызықлы дегенде ҳәр ким ѳзи қызыққан темасына байланыслы китап оқыўы нәзерде тутылмақта. Мысалы, айырымлар футболға қызығыўы мүмкин, ал, басқа биреў исбилерменликке яки сиясатқа қызығыўы мүмкин. Дурыс, бул арқалы китаптан руўхый азық алмадым деўиңиз мүмкин, бирақ, сиз китап оқыўға әдетленип барасыз.
5. Базыда ѳзинизди мәжбүрлеп китап оқыў мүмкин. Бул жоқарыдағы усыныслар нәтийже бермегенде қолланылады. Бул мәжбүрлик кѳпшилик жағдайда ислейтуғын жумысыңыз бенен байланыслы болады. Сиз қәлемесеңизде сол китапты оқыўға мәжбүрсиз. Бул ѳз-ѳзинен адамда кѳнлигиў пайда етеди ҳәм соның нәтийжесинде сиз турақлы китап оқып барыўға адетленесиз.
Ҳақыйқатында да китап оқыў арқалы инсан ѳмирде ѳз орнына ҳәм ѳз пикирине ийе болады. Егер итибар берсеңиз кѳркем әдебият оқыў инсанға заўық бағышлайды. Дүньядағы ең қымбат туратуғын кѳркем әдебият Леонардо да Винчи тәрепинен кѳширилген «Линчестер кодекси» китабы болса, дүньядағы ең үлкен гонорар Рим импереторы Марк Аврелий тәрепинен шайыр Опиарға тѳленген. Оның балық тутыў ҳәм аў ҳаққындағы дәстанының ҳәр бир қатарына бир алтын теңгеден берилген. Дәстан болса 20 баптан ибарат.
Китапханлық тар мәниде китап оқыўды билдирсе, кең мәниде таңлап оқыў, аңлаў, пикирлеў, түсинип жетиў сыяқлы мәнилерди ѳз ишине алады. Бүгинги күнде елимизде китап оқыўға болған итибар кең ен жаймақта. Жасларды китап оқыўға тартыў, оларды китап пенен досластырыў мақсетинде кѳплеген таңлаўлар, викториналар ҳәм кѳргизбелер шѳлкемлестирилмекте.
Китап инсанға сырлас дос ҳәм мәсләҳәтши. Солай екен, ой-ѳрисимиздиң байыўына үлкен үлес қосатуғын китапларды ҳәр күни оқып барыўға әдетленейик.

Перизат Дәўлетназарова,
Нѳкис қаласыскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы