лучший сайт где можно скачать шаблоны для dle 11.2 бесплатно

Перзент туўылғанда берилетуғын бир мәртелик напақа тайынлаўда МХОға мүрәжат етиў тәртиби

Ѳзбекстан Республикасы Министрлер Кабинетиниң 2020-жыл 23-май 327-санлы қарары тийкарында перзент туўылғанда берилетуғын бир мәртелик напақаны тайынлаў бойынша мәмлекетлик хызмет кѳрсетиўдиң ҳәкимшилик регламенти белгиленди. Бул регламент туўылған баланың ата-анасы яки олардың орнын басыўшы шахсларға (арза бериўшилерге) МХО орайы арқалы бала туўылғанда берилетуғын бир мәртелик напақа пулын тайынлаў ушын мүрәжат етиў бойынша мәмлекетлик хызметлерин кѳрсетиўдиң тәртибин белгилейди.
Мәмлекетлик хызмет орынлардағы Пенсия қоры (ўәкилликли орган) тәрепинен МХО арқалы ямаса бирден-бир интерактив мәмлекетлик хызметлер порталы (БИМХП) арқалы бала туўылған күннен баслап 6 ай мүддет ишинде мүрәжат еткен жағдайда кѳрсетиледи. Мәмлекетлик хызметлер орайы ҳәм ўәкилликли орган ортасындағы мекемелер аралық электрон мәлимлеме алмасыўы электрон санлы имзаны (ЭСИ) мәжбүрий тәртипте қолланыў арқалы электрон байланыс жәрдеминде әмелге асырылады.

Бунда арза бериўши МХОға келип мүрәжат етеди яки БИМХП арқалы дизимнен ѳтеди. МХО қәнигеси арза бериўшиниң атынан электрон тәризде сораўнама толтырады. Сораўнамаға зәрур мағлыўматлар киргизилгеннен соң арза бериўши оны ѳзиниң ЭСИси менен тастыйықлайды. Мәмлекетлик хызметлер кѳрсетилгени ушын арза бериўшиден жыйым ѳндирилмейди.

Сораўнамада қәте мағлыўматлардың кѳрсетилиўи,сораўнамаға қосымша етилиўи лазым болған ҳүжжетлердиң кемис болыўы мәмлекетлик хызмет кѳрсетиўди бийкарлаў ушын тийкар бола алады. Сораўнама МХО қәнигеси тәрепинен толтырылып, арза бериўшиниң ЭСИси менен тастыйықланғаннан соң барлық ҳүжжетлер 5 минут даўамында, БИМХП арқалы мүрәжат еткенде сол ўақыттың ѳзинде ўәкилликли органға электрон тәризинде жибериледи.

Ўәкилликли орган напақа пулын тайынлаған жағдайда напақаны қашан, қай жерден алыў мүмкин екенлиги ҳаққындағы мағлыўматты (ѳзи келип мүрәжат еткен жағдайда) МХОға ямаса (электрон түриде мүрәжат еткен жағдайда) арза бериўшиге БИМХП арқалы электрон тәризде жибериледи.

Мәмлекетлик хызметлер орайына мағлыўматнама келип түскеннен соң 5 минут ишинде оны арза бериўшиниң электрон мәнзилине жибереди ҳәм арза бериўшини бул ҳаққында хабардар етеди. МХО ҳәм ўәкилликли органлары ѳз искерлигин әмелге асырыўы нәтийжесинде алынған мағлыўматлардың сыр сақланыўын тәмийинлейди.

Жуманазар Жумабаев
Мәмлекетлик хызметлер орайы қәнигеси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы