лучший сайт где можно скачать шаблоны для dle 11.2 бесплатно

Бир күнде неше литр суў ишиў керек?


Шыпакерлердиң айтыўынша, қанымыздың 83 проценти, сүйегимиздиң 22 проценти, булшық етлеримиздиң 76 проценти, мийимиздиң 85 проценти суўдан ибарат екен.
Денемизде болып атырған ҳәр қандай жағдай, дерлик суў менен байланыслы.

Мысалы, биз дем алыў ҳәм шығарыў есабынан күн даўамында ярым литр, бир суткада болса 1,5 литрге дейин суў жойтамыз. Суў организмдеги май, крахмал ҳәм басқа минералларды еритеди ҳәмде қан тоқымаларындағы бөлекшелерди ҳәм организмдеги токсинлерди тазалайды.

Түрли газли ишимликлер, шербетлер, шай ҳәм кофе инсан организми ушын керекли муғдардағы суўға болған талабын қандыралмайды. Салыстырыў ушын, Сиз кийимлериңизди жуўыў ушын суўдан пайдаланасыз ба яки шайдан? Әлбатте, суўдан! Сондай екен, инсан денеси ҳәм тәбиий суўға ҳәр дайым талап сезеди.

Егер сизиң организмиңиз керекли муғдардағы суў менен тойынбаса, онда түрли машқалалар келип шыға баслайды. Бул дәслеп бөтекеге, соң баўырыңызға кери тәсирин көрсетеди. Ҳәмде организмдеги майлардың ыдыраўы әстелеседи ҳәм инсан артықша салмақ жыйнай баслайды.

Инсан мийиниң 85 проценти суўдан ибарат болғаны ушын, күн даўамында жетерли муғдарда суў ишилмесе, бул бас аўырыўына да себепши болады екен. Алымлардың айтыўынша, инсан организминдеги токсинлер инсан териси арқалы шығып кетеди. Соның ушын көбирек суйықлық ишиў керек екен. Орташа 65 килограмм салмақтағы инсан күн даўамында 2 литр суў ишсе мақсетке муўапық болады екен. Бул инсан организми ушын керек болған, күн даўамында бөлип-бөлип ишилетуғын ең кем суў муғдары.

Еслeтип өтемиз, шыпакерлер жүдә суўық, муз салынған суўды ишиўди мәсләҳәт бермейди.
Излениўлерден анықланыўынша, муз салынған суў инсан организми ушын жүдә зыянлы болып, инсанның артықша салмақ жыйнаўына себепши болады.

Дерек: t.meuzsuvqr
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы