лучший сайт где можно скачать шаблоны для dle 11.2 бесплатно

Шәртли рәўиште азат етилди

Алдын судланған Г.Е Жынаят ислери бойынша Тахтакөпир районы судының 2019-жылы 13-ноябрь күнги ҳүкими менен Өзбекстан Республикасы жынаят кожексиниң 167-статьясы 2-бөлими «а» бәнти ҳәм 228-статьясы 2-бөлими «а» бәнти менен айыплы деп табылып, ЖК 59-статья 2-бөлими тәртибинде ЖК 45-статьясы менен қоллап 1 жыл мүддетке мәмлекетлик кәрхана, мекемелерде өзин-өзи басқарыў органларында материаллық жуўапкер лаўазымларда ислеў ҳуқықынан айырылып, ис ҳақысынан 20 пайыз мәмлекет пайдасына услап қалыў жолы менен 2 жыл мүддетке дүзетиў иси жазасына судланған еди.
Судланған Г.Е.ның өтелмей қалған қосымша жазасынан мүддетинен алдын шәртли рәўиште азат етиўди сораған арзасы Жынаят ислери бойынша Шымбай районы судында 2020-жыл 25-август күни көрилип, жазаны өтеў дәўиринде өзин жақсы тәрептен көрсетип, жасаў орнынан жақсы минезлемеге ийе болғанлығы ҳәм ислеген жынаятының ақыбетин түсинип, дүзелиў жолына түскенлиги себепли Г.Е.ның өтелмей қалған 3 ай қосымша жазасынан Жынаят кодексиниң 73-статьясы 3-бөлими «а» бәнтине тийкар мүддетинен алдын шәртли рәўиште азат етилди.

Сондай-ақ, Б.П жынаят исьери бойынша Хожели районы судының 2017-жылы 16-ноябрь күнги ҳүкими менен 2 жыл мүддетке барлық түрдеги транспорт басқарыў ҳуқықынан айырылып, ҳәр ай сайын
ис ҳақысының 10 пайыз мәмлекет пайдасына услап қалыў жолы менен 2 жыл мүддетке дүзетиў иси жазасына судланған.
Судланған Б.П жынаят ислери боцынла Шымбай районы судының 2018-жыл 27-декабрь күнги уйғарыўы менен өтелмеген 2 жыл мүддетке дүзетиў иси жазасын сол мүддетке еркинен айырыў жазасына алмастырылған, жынаят ислери бойынша Юқоричирчиқ районы судының 2019-жыл 16-октябрь күнги уйғарыўы менен өтелмей қалған 1 жыл 5 ай 16 күн еркинен айырыў жаза мүддетин айлық ис ҳақысының 20 пайыз мәмлекет пайдасына услап қалыў жолы менен дүзетиў иси жазасына алмастырылған, Б.Птың өтелмей қалған транспорт басқарыў ҳуқықынан айырыў қосымша жазасынан мүддетинен алдын шәртли рәўиште азат етиўди сораған арзасы жынаят ислери бойынша Шымбай районы судында 2020-жыл 28-август күни көрилип, судланған Б.П.ның жазаны өтеў дәўиринде өзин жақсы тәрептен көрсетип, жасаў орнынан жақсы минезлемеге ийе болғанлығы ҳәм ислеген жынаятының ақыбетин түсинип, дүзелиў жолына түскенлиги себепли өтелмей қалған 1 жыл 1 ай 18 күн қосымша жазасынан ЖКниң 73-статьясы 3-бөлими «а» бәнтине тийкар мүддетинен бурын шәртли рәўиште азат етилди.

Судланған Е.К ЖИБ Шымбай районы судының 2019-жылы 7-февраль күнги ҳүкими менен ЖКниң 169-статьясы 2-бөлими «г» бәнти менен айыплы деп табылып, ҳәр ай сайын ис ҳақысының 20 пайыз муғдарын мәмлекет дәрамадына услап қалған ҳалда 2 жыл мүддетке дүзетиў иси жазасына судланған, Е.К ЖИБ Шымбай районы судының 2019-жыл
09-сентябрь күнги уйғарыўы менен ЖКниң 46-статьясы 4-бөлимин қоллап өтелмеген 2 жыл 4 ай 29 күн дүзетиў иси жазасын сол мүддетке азатлықтан шеклеў жазасына алмастырылған, Е.Ктың өтелмей қалған азатлықтан шеклеў жазасынан мүддетинен бурын шәртли рәўиште азат етиўди сораған Шымбай районы ИИО Пробация топарының усынысы ЖИБ Шымбай районы судында 2020-жыл 28-август күни көрилип, судланған Е.Ктың жазаны өтеў дәўиринде ислеген жынаяты онша аўыр болмаған жынаятлар қатарына киретуғынын, бул жаза мүддетиниң үштен биринен асламын өтегенлигин, жасаў орнынан, қоңсыларынан жақсы минезлемеге ийе екенлигин, өзин жақсы тәрептен көрсетип ҳәм ислеген жынаятының ақыбетин түсинип, дүзелиў жолына түскенлигин инабатқа алып Е.Ктың өтелмей қалған 1 жыл 5 ай 28 күн азатлықтан шеклеў жазасынан ЖКниң 73-статьясына тийкар мүддетинен бурын шәртли рәўиште азат етилди.

А.Хожанов
Жынаят ислери бойынша Шымбай районы судының баслығы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы