лучший сайт где можно скачать шаблоны для dle 11.2 бесплатно

Абитуриентлердиң апелляция шағымларын көрип шығыў тәртиби қандай?

Нызамшылыққа көре, тест сынаўлары нәтийжесинен наразы болған абитуриентлер билимлендириў мәкемелерине оқыўға қабыл етиў бойынша мәмлекет комиссиясы тәрепинен тастыйықланған апелляция комиссиясына жазба яки электрон формада апелляция шағымын усыныў ҳуқықына ийе.

Шағым берген
абитуриент хабарнамада белгиленген күнде өзиниң паспорты ҳәм абитуриент рухсатнамасы менен келиўи шәрт.

Абитуриентке оның жуўаплар бетиниң нусқасы, тест тапсырмасы натуўры орынланған жуўаплар дизими ҳәмде тест тапсырмалары китабы бериледи.

Абитуриент өзиниң ҳәр бир натуўры деп есапланган тест тапсырмасына жуўапларын жазба рәўиште баян етеди ҳәм қабыл етип алған бәрше тест материаллары менен бирге апелляция комиссиясына усынады.

Шағым апелляция комиссиясы тәрепинен тек ғана абитуриент қатнасында, оның жазба жуўаплары тийкарында көрип шығылады.

Жазба жуўаплар өз тастыйығын таппаса, комиссия нәтийжелерди өзгериссиз қалдырады.

-Шағым төмендеги жағдайларда көрип шығылмайды:
-абитуриенттиң жуўаплар бети, тест тапсырмалары китабы Мәмлекетлик тест орайына жеткизилмеген яки жыртылған болса;
-абитуриент тест сынаўларынан шетлестирилген болса;
-абитуриент өз жуўапларын жазба рәўиште баян қылмаған болса.

Апелляция процессинде төмендегилерге жол қойылмайды:
-уялы телефон, компьютер, телекоммуникация қураллары ҳәм шпаргалкалар (сөзлик, кестелер баннан тысқары) алып кириў;
-тест материалларын басқа абитуриентке узатыў, оларға жәрдем бериў яки жәрдем алыў;
-тест тапсырмалары китабының бетин жыртыў.

Комиссия қарары бойынша мағлыўмат Билимлендириў мәкемелерине оқыўға қабыл етиў бойынша мәмлекет комиссиясына апелляция процесси толық тамамланғаннан соң 5 жумыс күни ишинде усынылады.

Абитуриент апелляция нәтийжелери бойынша судқа шағым етиўи мүмкин.

Дерек: @huqiqiymalimleme
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы