лучший сайт где можно скачать шаблоны для dle 11.2 бесплатно

Нөкис қаласының инвестициялық потенциалы

Кейинги жылларда мәмлекетимизде инвестиция процесслерин әдеўир жетилистириў, мәмлекетлик раўажланыў дәстүрлерин ислеп шығыў, таңланған жойбарлардын нәтийжелигин асырыў, оларды финанслық тәмийнлеў бойынша унамли жумыслар алып барылмақта.

Қарақалпақстан Республикасы Министрлер Кеңесиниң 2020 жыл 21-февраль күнги 45-санлы қарарына муўапық, 2020-2022 жылларда Нөкис қаласында санаат, аўыл хожалығы ҳәм хызмет көрсетиў жөнелислерин раўажландырыўға қаратылған улыўма муғдары 3 трлн. 262 млрд. 248 млн. сўм болған, 1219 жаңа жумыс орнын жаратыўшы 123 жойбар әмелге асырылыўы белгиленген. Соннан, 2020 жылда улыўма муғдары 86 млрд. 881 млн. сўм болған 29 жойбар әмелге асырылыўы режелестирилген.


Мысал ретинде, Нөкис қаласында жайласқан “LES STROY ELBRUS” жуўапкершилиги шекленген жәмийети тәрепинен “Темир өнимлерин ислеп шығарыў ҳәм саўда дүкәнин шөлкемлестириў” жойбарын әмелге асырыў мақсетинде 1,0 млрд. сўм инвестиция киритилген болып, жаңадан 10 жумыс орны жаратылған. Бүгинги күнде кәрхана тәрепинен темир өнимлери, МДФ есиклер, дәрўазалар ҳәм решеткалар ислеп шығарылмақта. Келешекте, кәрхана Нөкис қаласы аймағынан қосымша 1 гектар жер орнында ислеп шығарыўды кеңейтип, турақлы жумысшылар санын 50 адамға дейин жеткизиў нийетинде.





Сондай-ақ, Нөкис қаласында жайласқан “Ажинияз Саламат мебель” жуўапкершилиги шекленген жәмийети тәрепинен “Мебель ислеп шығарыўды кеңейтириў” жойбарын әмелге асырыў мақсетинде 1,0 млрд. сўм инвестиция киритип Қытай мәмлекетинен әсбап-үскенелер алып келинип, жаңадан 5 жумыс орны жаратылған. Бүгинги күнде кәрхана тәрепинен асхана мебеллери ҳәм хожалық буйымлары ислеп шығарылмақта.

Әлбетте, бул жойбарлардың иске түсиўи нәтийжесинде жаңа жумыс орынларын жаратылды ҳәмде мәмлекетимиздиң экономикасы раўажланыўына өз үлесин қосты.

Дерек:@nukus24news
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы