лучший сайт где можно скачать шаблоны для dle 11.2 бесплатно

Пуқaралардың атында жеке турақ жай барлығы ямаса жоқлығы ҳаққындағы мағлыўматнаманы алыў мүддети 5 жумыс күнинен 3 жумыс күнине шекем қысқарды

Турмысы даўамында кадастр мәкемесине иси түспеген инсән болмаса керек. Үй-жайымызды рәcмийлестириў, жер участкаларынан пайдаланыў, көшпес мүлкти ижараға бериў жағдайларына дус келемиз.
Мәмлекетлик хызметлер агентлиги «қолы» қайсы хызмет түрине тиймесин, әлбетте бул бағдарда қолайлықлар жаратылып, хызмет алыў мүддети ҳәм төлемлердиң қысқарыўына ерисиледи.

Өзбектан Республикасы Министрлер Кабинетиниң Мәмлекетлик хызметлер агентлиги ҳәм кадастр тараўы қәнигелери менен биргеликте ислеп шығылған нәўбеттеги ҳүжжети тастыйықланды.

Жаңа қарар менен бир қатар хызметлер алыў тәртиби әпиўайыластырылмақта.
Булар:
-кадастр паспорты;
-пуқаралардың атында жекетурақ жай бар ямаса жоқлығы ҳаққында мағлыўматнама алыў;
- ипотека шәртнамаларын;
-көшпес мүлкти ижараға бериў шәртнамаларын;
-жер участкасынан шекленген түрде пайдаланыў ҳуқықын (сервитут) дизимнен өткериў мәмлекетлик хызметлер.

Келиң, өзгергенин көрип шығамыз.

Алдынлары усы ҳүжжетлерди алыў ушын тек ғана көшпес мүлк жайласқан кадастр бөлимине мүрәжат етиў керек болған. Енди болса, Мәмлекетлик хызметлер орайлары арқалы усыныс етилетуғын көпшилик хызметлер сыяқлы экстерриториал тәртипте алыў имканияты жаратылған. Хызметти, сондай-ақ электрон түрде my.gov.uz порталы арқалы алыўда мүмкин.
Буннан тысқары, хызмет алыўдың анық тәртиби болмағаны себепли, хызметкерлер өзлери қәлеген ўақытты көрсетиўи мүмкин еди. Жаңа тәртипке көре квартира ушын кадастр паспортын – 3 жумыс күнинде, турақ жай – 5 жумыс күнине шекем алыў мүмкин.
Кадастр паспорты жойтылғанда (жарамсыз ҳалға келгенде), қағаз ямаса пластик формада жаңа кадастр паспорты 2 жумыс күни даўамында бериледи.

Көшпес мүлк объектлериниң натурақ жайға тийисли бөлеги бойынша ҳүжжет, майданына қарап 5 жумыс күнинен 25 жумыс күнине шекем болған мүддетте таярланады.
Алдынға тәртиптиң және бир тәрепи халықтың көп наразышылықларына себеп болған. Себеби, көшпес мүлк объектине болған ҳуқық түри ямаса ийеси өзгергенде, бирақ объекттиң техникалық параметрлери өзгермеген жағдайда да мәжбүрий түрде кадастр паспортын қайта рәсмийлестириў керек болар еди. Бул болса пуқаралар тәрепинен 2 рет қәрежет сарыпланыўына (кадастр паспорты ҳәм реестрден көширме алыў) себеп болған. Бул тәртип бийкар етилмекте.

Сондай-ақ, жаңа тәртипке көре, көшпес мүлк объекти ийеси өзгергенде, композит хызметтен пайдаланып, бир арза менен реестрден көширме ҳәм кадастр паспортын ўақытта алыў имканы жаратылады.
Және бир әжайып жаңалық- пуқралардың атында жеке турақ жай барлығы ямаса жоқлығы ҳаққындағы мағлыўматнаманы алыў мүддети 5 жумыс күнинен 3 жумыс күнине шекем қысқарды. Мағлыўматнама алыў баҳасы болса 38 мың сўмға кемейип (базалық есаплаў муғдарының 20%тен  3%ке), бүгинги күнде 6 690 сўмды қурайды, алдын 44 690 сўм еди.

Мәмлекетлик хызметлер агентлиги Сизге жәнеде қолай мәмлекетлик хызметлерди усыныс етиў бойынша жумысларды даўам еттиреди.скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы