лучший сайт где можно скачать шаблоны для dle 11.2 бесплатно

Судлар жумысларына заманагөй хабар-технологиялары енгизилмекте

Мәмлекетимиз тәрепинен судлар искерлигиниң материаллық-техникалық базасын ҳәр тәреплеме қоллап-қуўатлаў бойынша тийисли ис-иләжлар әмелге асырылмақта.
Усы ис-иләжлар тиккелей инсан ҳәм исбилерменлик субъектлериниң, өзлериниң ҳуқық ҳәм нызамлы мәплерин қорғаў бойынша тийисли судларға мүрәжат етиў тәртип-басқышларын жәнеде еркинлестириў ҳәмде судлар жумысында айқынлықты тәмийинлеў мүмкиншилигин берди.
Әсиресе, суд ҳәкимияты органлары жумысын санластырыў, судлар ҳәм басқа мекемелер ортасында хабар алмасыўын әмелге асырыў ушын судлар жумысына заманагөй хабар-коммуникация технологияларын енгизилиўи айрықша итибарға ылайық.
2020-жылдың 3-сентябрь күни Өзбекстан Республикасы Президентиниң «Суд ҳәкимияты органлары жумысын санластырыў ис-иләжлары ҳаққында»ғы қарары менен суд ҳәкимияты органлары жумысын санластырыў бойынша тийисли ис-иләжлар белгилеп берилди.
Усы қарарға муўапық, судлар жумысларында ашықлық, қалыслық, теңлик принциплерине толық мәнисте әмел қылыныўын тәмийинлеў мақсетиде келеси жылдан баслап судларда суд мәжилислерин белгиленген тәртипте аудиожазыўдан пайдаланған жағдайда жазып барыў, апелляция ҳәм кассация инстанциясы судларында ислерди судьялар ортасында автоматик рәўиште бөлистириў, қатнасыўшыларды суд мәжлислериниң ўақты ҳәм орны ҳаққында “SMS” хабар арқалы төлемсиз тийкарда хабардар етиў әмелияты енгизилиўи белгиленген.
Сондай-ақ, Қарарда 2022 ҳәм 2023 жыллардан баслап, суд қарарларын ис бойынша тәреплерге онлайн түрде усыныў ҳәм тараўға байланыслы болған 10 ға жақын интерактив хызметлер көрсетиў жолға қойылыўы ҳәмде суд жумысларын мәмлекет архивине электрон формада тапсырыў ҳәм қабыл етиў енгизилиўи белгилеп қойылды.
Соның менен бирге, қарар менен, юридикалық тәреплерге ҳәм пуқараларға жәнеде қолайлық жаратыў мақсетинде, қандай да исти көриў процессинде зәрур болған мағлыўматлар ҳәм ҳүжжетлерди оларды әўере қылмастан судлар тәрепинен тиккелей мәмлекет органлары ҳәм шөлкемлеринен электрон формада алыў жолға қойылады.
Қарарға муўапық, 2022-жыл 1-январдан баслап судлар жумысына мәмлекет ҳәкимияты ҳәм басқарыў органлары, жергиликли мәмлекет ҳәкимияты органлары, хожалык баскарыў органлары, адвокатлар тәрепинен судларға даўа, арза ҳәм шағымларды тек электрон формада усыныў мүмкиншилигин бериўши «Әдиллик» хабар системасы комплекси енгизиледи.
Жуўмақластырып айтқанда, суд органлары жумысына хабар-технологияларының кең енгизилиўи судлардың ҳәм мәмлекет мекеме, шөлкемлери ортасында хабар алмасыўы жәнеде жақсыланыўы, әдил судлаўды әмелге асырыўға, исте қатнасыўшы шахслардың қәрежетлерин ҳәм ўақтын тежеўге хызмет етеди.
Г.Ешназарова
Қарақалпақстан Республикасы
экономикалық суды судьясы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы