лучший сайт где можно скачать шаблоны для dle 11.2 бесплатно

Лицензия ҳәм рухсатнамалар саны кемейеди, оларды алыў бир канша жеңиллеседи

2021-жыл 1-январдан баслап лицензияланатуғын искерлик ҳәм рухсат етиў әҳмийетине ийе ҳүжжетлердиң айрым түрлери, соның менен бирлестириў ҳәм хабардар етиў тәртиби менен бийкар етиледи.

37 ти лицензия ҳәм 10 рухсатнама бийкар етиледи, 16 ты лицензия ҳәм 11 рухсатнама бирлестириў жолы менен бийкар етиледи, 17 ти лицензия ҳәм 13 рухсатнамалар хабардар қылыў тәртибине әмел етиў жолы менен бийкарланады, 14 түрдеги лицензия ҳәм рухсатнамаларды рәсмийлестириў мүддетлери 2 есеге қысқартылады, 115 лицензия ҳәм рухсат бериў әҳмийетке ийе ҳүжжетлерди алыў тәртип қағыйдалары жәнеде әпиўайыластырылады.


Хабардар етиў тәртиби субъект искерлигин баслаў яки ҳәрекетин әмелге асырыў ушын ўакиликли органның қарары талап етилмеў кереклиги, бирақ оның белгиленген талап ҳәм шәртлерге муўапық екенлигин тастыйықлаўшы хабарнама жибериў зәрүрлигин аңлатады.

Сондай-ақ 2021-жыл 1-январдан баслап:

Туризм искерлигин лицензиялаўда туроператорлар хызметлерин сертификатлаў ыхтыярый етип белгиленди;

Төмендегилер бийкар етилди;

-кредит бюралары искерлигин лицензиялаўда – кеминде 10 дана коммерциялық банк пенен кредит алмасыўын әмелге асырыўға разылығын тастыйықлаўшы ҳүжжет барлығы талабы;

-дәриханалар филиаллары ушын арнаўлы лицензияларды рәсмийлестириў әмелияты, ол шөлкем етилгенде ҳәр бир филиал мәнзили тийкаргы лицензияда көрсетиледи;

-жер каъри участкаларынан пайдаланыў нызамы ушын лицензия алыўда-талапкерден жергиликли мәмлекет ҳәкимияты органларының кепиллик хатларын алыўды талап етиў тәртиби;

-Президент яки Министрлер Кабинети қарарлары менен шөлкемлестирилген мәмлекетлик унитар кәрханалары ҳәм мәмлекетлик емес шөлкемлердиң тийисли лицензияны алмастан искерликтиң лицензияланатуғын түри менен шуғылланыўы 2021 жылдың 1 январынан баслап бийкар етиледи.

Барлық түрдеги лицензия ҳәм рухсат етиў әҳмийетине ийе ҳүжжетлер ҳәмде хабарнама қылынғанлығы ҳәм реестрге киритилгенлиги ҳақкындағы хат олардың ҳақыйқыйлығын онлайн тексериў имканиятын беретугын QR-код қойылған ҳалда рәсмийлестириледи. Тийислилиги бойынша, оларды арнаўлы бланкаларда бериў тәртиби бийкар қылынады, халықаралық шәртнамаларда нәзерде тутылған ҳаллар будан тысқары;

Тийкарғы ўакиликли орган ғарезсиз рәўиште қосымша ҳүжжетлерди алады яки «Лицензия» системасы арқалы басқа мекемелер менен келисиўин әмелге асырады, исбилерменлик субъектти бунда қатнаспайды;
Тийисли искерлик пенен лицензиясиз, рухсат етиў әҳмийетине ийе хужжетсиз, хабарнама жиберместен шуғылланыў ямаса белгиленген талап ҳәм шәртлерге әмел етпеген ҳалатлар ҳақкында ўәкиликли органларға хабар берген пуқаралар өндирилген жәриманың 10%ы муғдарындағы пул сыйлығы пенен хошаметлентириледи:
ўәкиликли органлар тарепинен лицензия ҳәм рухсат етиў әҳмийетине ийе ҳүжжетлерди тамамлаў ҳәм бийкар етиў тек суд тәрепинен әмелге асырылады. 

2020-жылда мүддети питетуғын барлық лицензия ҳәм рухсат етиў әҳмийетине ийе ҳүжжетлердиң әмел етиў мүддети 2021-жыл 1-январға шекем ўзайтырылды. 
Олардың мүддети өткенлиги мүнәсибети менен жуўапкерликке тартыў ҳәм басқа шараларын қоллаўға жол қойылмайды.

Буннан тысқары, ўәкиликли органлар тәрепинен төмендеги ҳәрекетлердиң әмелге асырылыўына жол қойылмайды;

-лицензиялар бериў, олардың әмел қылыў мүддетин ўзайтырыў ҳәм оларды рәсмийлестириўде лицензия талапкердиң электр энергиясы, табий газ жеткизип бериў, суў тәъмийнаты ҳам суў шығарыў хызметлери, қатты мәжбурий төлеўлер бойынша соныңдай , орынлаў ҳүжжетлери бойынша қарыздарлығы барлығы себепли мәмлекет хызметлери ушын корсетиўди бийкар етиў;

-лицензия ҳәм рухсат етиў әҳамийетке ийе ҳүжжетлерди мәмлекетлик органлары ҳәм исбилерменлик субъектлери ортасында дүзилген өз-ара шәртнамаларға алмастырыў;

Бул қарардын қабыл етилиўи лицензия ҳәм рухсат бериў талапларына сәйкес келмейтугын тәртип кағыйдаларды ҳәмде артықша бюрократик тосықларды сапластырыўға унамлы тәсирин тийгизеди.
 
Ж.Қурбаниязов
Қоңырат районы 

Мәмлекетлик хызметлер орайы директоры
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы