лучший сайт где можно скачать шаблоны для dle 11.2 бесплатно

Armrestling бойынша Азия чемпионы Нөкисли студентлер қатарында

Қол гүреси бойынша (Armrestling) 24 жасында алты мәрте Азия чемпионы болған Өзбекстан спорт устасы Саидов Сардорбек Өзбекстан Республикасы Дене тәрбияcы ҳәм спорт университети Нөкис филиалына оқыўға кирди.

С.Саидовтың zaman.uz'ға менен сәўбетте 2020-жыл 26-сентябрь күни Armrestling бойынша PAL жәҳән чемпионаты белбеўи ушын Ташкент қаласында болып өткен қол гүресинде 2019-жылы жәҳән чемпионы болған Kim Denis'ден чемпионлық белбеўин жеңип алғанын келтирип өтти.
Бул чемпионлык белбеўи ушын усы жылдың октябрь айы ақырларында Бухара ўәлаятында және бир беллесиў болып өтеди.
Бул спортта ең әҳмийетлиси қолда күш менен бирге спортшы өз гүресиў техникасына (усылы) ийе болса,хх жеңиске имкәният жоқары болады, дейди спортшы.

2014-жылдан баслап усы спорт түри менен шуғылланып баслаған, алты мәрте Азия чемпионы С.Саидовты жарысларға Өзбекстан спорт устасы Худойқулов Ражаб таярлап келмекте.

Келешекте Сурхандәрья ўәлаятында усы спорт түри бойынша клуб ашыў нийети бар екенлигин атап өтти чемпион сәўбетте.

Мағлыўмат ушын, Armrestling спорт түри бойынша 11 жастан шуғылланыў усыныс етиледи.
Бул спорттың WAF ҳәм IFA түрлери болып, олардың өз аўырлық категориялары бойынша гүреслер шөлкемлестириледи.

Парахат Ажимуратов
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы