лучший сайт где можно скачать шаблоны для dle 11.2 бесплатно

Аралдан және 40 суў көзлери ашылады (видео)

Мойнақтан 200 км, Нөкистен 400 км алыслықта, Возрождение аралыныӊ Шағала деп аталыўшы орнында, яғный Арал теӊизиниӊ қурыған түбинен душшы суў табылды. Усы жылдыӊ 26-январь күни суў көзиниӊ табылыў мүнәсибети менен салтанатлы мәресим өткерили. Оған бир қатар министрлик ҳәм мәкеме басшылары ҳәм Аралдыӊ қурыған түбинде мийнет етип атырған жәрдемшилер қатнасты.
Илажди Қарақалпақстан Республикасы Жоқарғы Кеӊеси Баслығы ашып, жыйналғанларды усы әҳмийтели жаӊалық пенен қутлықлады.

Илажда атап өтилгениндей, Өзбекстан Республикасы Президенти Шавкат Мирзиёев Мойнақ районына айрықша итибар қаратпақта. 2017-жылда районға 101 километрлик ишимлик суўы тартылды. Мәмлекет басшысы 2018-жыл 15-16 ноябрь күнлери Қарақалпақстанға сапары даўамында, Мойнақ районына да келип, район халқы менен ушрасып, районныӊ социал-эканомикалық раўажланыўы ушын бир қатар ўазыйпалар белгилеп берди. Мойнақ районын ҳәр тәреплеме раўажландырыў бойынша Ҳүкимет қарары қабыл етилди. Аралдыӊ қурыған түбинен усы жылда 500 мыӊ гектар жерге сексеўил егиў белгиленди ҳәм ҳәзирги ўақытта республикамыздыӊ барлық аймақларынан мыӊнан артық жумысшылар, район халқы усы илаж менен бәнд.
2018-жыл 27-ноябрь күни БМШниӊ Нью-Йорк қаласындағы бас резидентциясында Аралбойы регионы ушын инсан қәўипсизлиги бойынша көпшериклик траст фонди шөлкемлестирилди. Мойнақта ири қурылыс жумыслары баслап жиберилди. Елимизде усындай хош хабарлар жаӊғырығы астында байрам кейпияты ҳуким сүрип турған бир ўақытта, Аралдыӊ қурыған түбинен суў атылып шығыўы пүткил халқымызға шексиз қуўаныш үлести.
Бул душшы суў Қубла Аралалды артезиан бассейниниӊ пор дәўири жатқызықларынан, яғный 260-280 метр тереӊликде табылды. Секундына 7 литрден ағып атырған бул суўдыӊ минералласуўы 3 грамм, қаттылығы 6 миллиграм эквивалентке теӊ.
- Кубла Аралалды артезиан бассейни жер асты суўлары Шымбай, Тахтакөпир, Қараөзек районлары аймақларын қамтып алады. Пайдаланыўға жарамлы суў көзлери бул районларда да табылған, - дейди Аралбойы дала гидрогеологиялық экспедициясы баслығы Шавкат Олимов. – Қубла Аралалды артезиан бассейни жер асты суўларын арнаўлы техникалар менен душшыландырып, ишимлик суўы сыпатында пайдаланса да болады. Ҳәзирги күнде Шымбай, Қараөзек, Тахтакөпир районларында усындай техникалар жәрдеминде халқ суўды ишимлик суўы сыпaтында пайдаланбақта.  Төрт бес грусдан қуралған бор дәўри жатқызықларныӊ төменги қатламларындағы қубла Аралалды артезиан бассейни жер астиы суўлары термал ҳәм минералласқан болып, емлеў қәсийетине ийе. Бундай 47-50 градус ыссылықдағы суўлар Қазақдәрья, Қараөзек, Шымбай аймақларында да бар.
- Душшы суў көзлериниӊ ашылыўы Мойнақда шарўашылық тараўын раўажландырыўға тийкар болады, - дейди Мойнақ районы ҳәкими Сайлаубай Данияров. – сондай-ақ, экологиялық жағдай жақсыланады. Қуслар, жабайы ҳайўанлар келеди. Биоҳәртүрлилик раўажланады. Пайда болған ветландлар болса дуздыӊ ҳаўаға көтерилиўине де тосық болады.
Аралбойы дала гидрогеологиялық экспедициясы тәрепинен усы жылда Мойнақ районында, яғный Возрождение аралы, Сургил, Ахантай аймақларында усындай 40 суў көзлерин ашыў жобаластырылған. Бул бириншиси. Суў көзлериниӊ ашылыўы Қарақалпақстанныӊ арқа районларында шарўашылықты раўажландырыўға тийкар жаратады. Сондай-ақ, 2021-2023 жылларды Қубла Аралдыӊ қурып қалған бөлегин геологиялық тәрепитен үйрениў жумыслары алып барылыўы да айрықша бағдарлама сыпатында қабыл етилген.
Илажға Өзбекстан Республикасы Бас прокуроры О.Муродов, Өзбекстан Республикасы Бас министриниӊ биринши орынбасары О.Раматов қатнасты.


Е.Қанaaтов, УзА
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Бизди күзетип барың
  • Вконтакте
  • Facebook
  • Twitter
Мақалалар