лучший сайт где можно скачать шаблоны для dle 11.2 бесплатно

Қарақалпақстан Республикасы Жоқарғы Кеңесиниң тоғызыншы сессиясы болып өтти


Усы жылдың 23-октябрь күни Қарақалпақстан Республикасы Жоқарғы Кеңесиниң тоғызыншы сессиясы болып өтти.
Республикамыздың қала ҳәм районлары менен видеоконференц-байланыс тәризинде  өткерилген сессияға Өзбекстан Республикасы Олий Мажлиси Сенатының Аграр, суў хожалығы мәселелери ҳәм экология комитетиниң баслығы Б.Тажиев, Олий Мажлис Сенаты ағзалары, ҳүкимет ағзалары, сектор басшылары ҳәмде ғалаба хабар қуралларының ўәкиллери қатнасты.

Сессия жумысын Қарақалпақстан Республикасы Жоқарғы Кеңеси Баслығының орынбасары А.Давлетов ашты ҳәм басқарып барды.
Дәслеп депутатлар сессияның Секретариатын сайлады ҳәм күн тәртибин тастыйықлады.
Бәршемизге белгили, бүгинги күнде коронавирус инфекциясы тарқалыўының алдын алыў, экономиканың турақлылығын ҳәм азық-аўқат қәўипсизлигин тәмийинлеў әҳмийетли ўазыйпалардан бири болып табылады.

Усы жылдың 16-октябрь күни Ҳүрметли Президентимиз Ш.Мирзиёевтиң басшылығында болып өткен видеоселектор мәжилисинде азық-аўқат қәўипсизлигин тәмийинлеў, ишки базарда баҳаның турақлылығын сақлаў ҳәм азық-аўқат өнимлери менен толтырыў, ҳәр бир аймақ бойынша халықтың кейинги жылдың май айына шекем гөш, мәйек, ун, май, қумшекер, гүриш, картошка, гешир ҳәм пияз өнимлерине болған талабын қанаатландырыў, бул өнимлерди қашан, қай жерден алыў бойынша анық есап-санақ етиў бойынша ўазыйпалар белгилеп берилип, бул бағдарда аймақларда әмелге асырылып асырылатуғын жумыслар бойынша сектор басшыларының жергиликли Кеңеслердиң сессияларында мәлимлеме бериўи атап өтилди. Сондай-ақ, қысқа мүддетте ҳәр бир аймақта азық-аўқат қәўипсизлиги бойынша өз алдына фондларды шөлкемлестириў  ўазыйпасы да тапсырылған еди.

Усы белгиленген ўазыйпалардан келип шыққан ҳалда республикамызда «Азық-аўқат қәўипсизлигин тәмийинлеў» фонды шөлкемлестирилмекте. Бул фондтың шөлкемлестирилиўи халықтың күнделикли зәрүрлиги ушын талап етилетуғын тийкарғы азық-аўқат өнимлери менен үзликсиз тәмийинлеўде, базарларда баҳалардың турақлылығын сақлаўда айрықша әҳмийетке ийе болыўы күтилмекте.

Күн тәртибиндеги мәселе бойынша Өзбекстан Республикасы Олий Мажлиси Сенатының Аграр, суў хожалығы мәселелери ҳәм экология комитетиниң баслығы Б.Тажиев шығып сөйлеп, Президентимиздиң басшылығында болып өткен видеоселектор мәжилисинде ишки базарды азық-аўқат өнимлери менен толтырыў, баҳаның турақлылығын сақлаў бойынша додаланған мәселелердиң әҳмийетине, оның орынланыўын тәмийинлеў бойынша кешиктириўге болмайтуғын ўазыйпаларға тоқтап өтти.

Буннан соң Қарақалпақстан Республикасы Министрлер Кеңеси Баслығының 1-орынбасары А.Тажетдинов, Қарақалпақстан Республикасы Прокуроры Ф.Алламбергенов, Ишки ислер министри А.Темирханов, Салық басқармасының баслығы Х.Бекчанов, Миллий гвардияның Қарақалпақстан Республикасы бойынша басқармасы баслығы М.Юсупов шығып сөйлеп, өзлерине бириктирилген аймақларда азық-аўқат қәўипсизлигин тәмийинлеў, ишки базарда баҳаның турақлылығын сақлаў ҳәм азық-аўқат өнимлери менен толтырыў бойынша исленип атырған жумысларға тоқтап өтти. Олий Мажлис Сенаты ағзалары ҳәм Жоқарғы Кеңес депутатлары тәрепинен билдирилген пикирлер есапқа алынып, тийисли қарар қабыл етилди.

Сессияда «Қарақалпақстан Республикасы Жоқарғы Кеңесиниң айырым комитетлери ҳәм комиссиясы қурамына өзгерислер ҳәм қосымшалар киргизиў ҳаққында»ғы мәселе көрип шығылды. Депутатлар бул бойынша тийисли қарар қабыл етти.


Күн тәртибиндеги кейинги мәселе, «Миллетлераралық татыўлықты беккемлеў бойынша Қоңырат районында алып барылып атырған жумыслардың барысы ҳаққында район ҳәкиминиң мәлимлемеси ҳаққында»ғы мәселе қаралды. Бул бойынша Қоңырат районының ҳәкими Қ.Халмуратовтың мәлимлемеси тыңланды ҳәм тийисли қарар қабыл етилди.

Депутатлар Қарақалпақстан Республикасы Жоқарғы Кеңеси Президиумының тийисли қарарларын тастыйықлаў ҳаққындағы қарарды қабыл етти.
Усының менен Қарақалпақстан Республикасы Жоқарғы Кеңесиниң тоғызыншы сессиясы өз жумысын жуўмақлады.
Қарақалпақстан Республикасы Жоқарғы Кеңесиниң Баспасөз хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы