лучший сайт где можно скачать шаблоны для dle 11.2 бесплатно

Қала ҳәм район аймақларынан алыста жайласқан аўыл ҳәм елатлы пунктлерине және бир қолайлық

Мәмлекетимизде соңғы жылларда ҳалыққа мәмлекетлик хызметлер көрсетиў системасы турақлы түрде жетилистирилип барылмақта. Мәмлекетлик хызметлер агентлигиниң шөлкемлестирилгенине 3 жылға шамалас болған болса да қысқа ўақытларда халықтың исенимине кире алды. Тараўда бир қатар өзгерис ҳәм жаңалықлар әмелге асырылды.

Атап айтқанда, халыққа қолай шәрт-шараятлар жаратыў ҳәмде мәмлекетлик хызметлерин көрсетиў системасына заманагөй мәлимлеме-коммуникация технологиялары менен тәмийинлеў мақсетинде Өзбекстан Республикасы Президентиниң 2020-жыл 31-январьдағы «Мәмлекетлик хызметлерин көрсетиў миллий системасын жедел раўажландырыў бойынша қосымша ис-иләжлар ҳаққында»ғы ПП-5930-санлы Пәрманы қабыл етилди.

Бул Пәрманның әҳмийетли жери ҳәр бир районда, қалалар ҳәм аўылларындағы мәҳәллелерде юридик шахс шөлкемлестирместен мәмлекетлик хызметлер орайы филиаллары шөлкемлестирилиўи нәзерде тутылған болып, бүгинги күнде Республикамыздың 5 районында басқышпа-басқыш мәмлекетлик хызметлер орайларының 6 филиаллары ашылды.

Булар Мойнақ, Қоңырат, Төрткүл, Елликқала ҳәм Беруний районларындағы, мәҳәллелердиң мүтәжлигин, ҳалық саны ҳәм орайлардан узақлығын есапқа алып, район орайынан узақлықта жайласқан мәҳәллелерде мәмлекетлик хызметлер орайлары филиаллары жумыс баслады.
Бул филиалларда зәрүр мебель, заманагөй техника ҳәм үскенелер менен тәмийинленген болып, аймақ турғынлары ҳәр қандай мағлыўматнама алыў яки исбилерменлик субъекти сыпатында мәмлекетлик дизимнен өтиўи ушын артықша ўақыт сарыпламастан, әўерегершиликлерсиз сол жердиң өзинде мәмлекетлик хызметлерден пайдаланылмақта.
Бундай унамлы жумыслар нәтийжесинде бул филиалларда бүгинги күнге шекем жәми 2 мыңға жақын мәмлекетлик хызметлер көрсетилди.

Бундай қолайлықлар ҳәм жеңилликлерден баслы мақсетимиз, алыс аймақлардағы физикалық ҳәм юридикалық шахсларға кең көлемли, соннан мобиль (көшпели) мәмлекетлик хызметлерин көрсетиў, сонын менен бирге пуқаралардың электрон мәмлекетлик хызметлерден пайдаланыў мәдениятын асырыў, бирден бир интерактив мәмлекетлик хызметлери (my.gov.uz) порталынан пайдаланыўдың басланғыш көнликпелери бойынша мәсләҳәтлер бериўден ибәрат.


Ф.Сейтимбетов
Мәмлекетлик хызметлер агентлиги Қарақалпақстан Республикасы басқармасы бас мәсләҳәтшиси
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы