лучший сайт где можно скачать шаблоны для dle 11.2 бесплатно

Мойнақ районлық медицина бирлеспесинде пандемия дәўири басынан усы күнге дейин жәми 175 наўқас емленген, соннан 21 наўқас реанимация бөлиминде емленген

«Ел хызметинде» газетасы ҳәм «Makan.uz» сайты тәрепинен Мойнақ районлық медицина бирлеспесинде өткерилген журналистлик сорастырыў бойынша

Соңғы жыллары мәмлекетимиздиң түрли тараўларында алға илгерилеўлер көзге тасланбақта. Бул мәмлекетимиздиң үлкен раўажланыў жолында екенлигин билдиреди. Соның менен қатар, усы раўажланыў жолымызда орын алып атырған қәте-кемшиликлерди өз ўақтында сапластырып барыў да әҳмийетли. Бунда, әлбетте, ғалаба хабар қуралларының  орны айрықша.

Қарақалпақстан Республикасы Денсаўлықты сақлаў министриниң биринши орынбасары Қ.Ж. Қудайбергенов Мойнақ районлық медициналық бирлеспесинде жүз берген жағдайды район Ҳәкимиятының тийисли қәнигелери менен биргеликте үйренди ҳәм көтерилген мәселелерди сапластырыў бойынша жуўмақлар шығарылды.

Коронавирус пандемиясы дәўиринде халыққа медициналық жәрдем көрсетиўде жол қойған қәте-кемшиликлери ушын Мойнақ районлық медициналық бирлеспеси баслығы ўазыйпасын ўақтынша атқарып келген Дәўлетова Жәмийла лаўазымынан босатылып, Мойнақ районлық медицина бирлеспеси баслығы етип Бисенгалиев Қуўандық Абаевич тайынланды. 

Мойнақ районында коронавирус пандемиясы дәўиринде халыққа медициналық хызмет көрсетиў ушын коронавирус инфекциясы ҳәм оның асқыныўлары менен мүрәжат еткен наўқасларға районлық медицина бирлеспесиниң жуқпалы кеселликлер бөлими негизинде 30 койкалы ийкемлестирилген бөлим шөлкемлестирилген.

Районлық медицина бирлеспеси бүгинги күнде 55 дана кислород баллоны, 17 дана кислород концентраторы, 45 дана пульсоксиметр, 4 дана юлайзер, 3 дана СРАР пенен тәмийинленген. Мүрәжаттан соң кислород баллонларды Қоңырат районынан толтырып алып келиў ушын айрықша транспорт пенен тәмийинленди. Кислород баллонларын сақлаў ушын арнаўлы қоршалған орын ажыратылды ҳәм қәнигели нәўбетшилик шөлкемлестирилди.

«Өзбекстан Республикасы Денсаўлықты сақлаў министрлигиндеги мәкемелерде аутсорсинг хызметлерин көрсетиў тәртиби туўралы нызамды тастыйықлаў ҳаққында» Ҳүкимет қарары (16-сан, 10.01.2020 ж.)на муўапық, Мойнақ районлық орайлық емлеўханасында наўқасларды аўқат пенен тәмийинлеў Мойнақ районлық медициналық бирлеспесиниң жуўапкершилигинен алып тасланды ҳәм бул хызмет районда искерлик көрсетип атырған исбилерменлик субъектине бекитилди.

Пандемия дәўири басынан усы күнге дейин бөлимде жәми 175 наўқас емленген, соннан 21 наўқас реанимация бөлиминде емленген.
2020-жыл 24-октябрь жағдайында жәми 8 наўқас емленип атыр, соннан реанимация бөлиминде 2 наўқас. Емлеў процесин шыпакерлер ӨзР ДССМ тәрепинен тастыйықланған 7-баянламаға тийкарланып алып бармақта.

Районда наўқаслар ушын қосымша резерв 40 орын таяр жағдайда, онда 13 кислород точкалары орналастырылған.

Қарақалпақстан Республикасы Денсаўлықты сақлаў министрлиги Мәлимлеме хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы