лучший сайт где можно скачать шаблоны для dle 11.2 бесплатно

Мойнақта түскен шар пуқаралар  жасайтуғын орыннан 3 км узақлыққа түскен

Бүгин каналымыз арқалы Мойнаққа сырлы шар келип түскенлиги ҳаққында хабар берген едик.  «Бозатаӯ» аӯыл пуқаралар жыйыны аймағындағы «Қыпшақдәрья» аӯылы турғыны Сабыр Караматдинов журналист Е.Қанаатов пенен сәўбетинде ҳәдийсе қалай жүз бергенлигин баян етти.
 
Бул не? Интернет бетлеринде сырлы шар қалай сәўлеленген?

Бразилияның арқа шығысындағы Мараньян штатына усындай шар формасындағы сырлы металл объекти аспаннан түскен. Ҳәдийсе Риашу-дос-Рокос аӯылында болған. Шар ерте азанда жергиликли турғын Хосе Мендестиң шарбағының ишине түскен. Бул жерде де ҳәдийсе пайтында жарылыӯға уқсас күшли даӯыс еситилген. Ерадам ҳəӯлисине шыққанында бул сырлы объектти көреди.  Шар шарбақтағы теректи зыянлап, жерде шуқырлық пайда еткен. Буны космос аппаратының мəселен спутниктиң деталы болыӯы итимал деп шамаланбақта.

Сондай-ақ, усындай ҳəдийсе Қубла Африкада жүз берген. Бунда бул объект космос пенен байланыслы деген болжаӯлар айтылған. Сырлы табылма менен НАСА экпертлери шуғылланған.
Тилекке қарсы, космостан түскен сырлы шар экспертлерди жаңылыстырды. Қубла Африкадан табылған бул сырлы зат не екенин анықлаӯ экспертлердиң қолынан келмеген.

Соның менен бирге, металлы шар Арқа Намибия аспаннан түсти. Сырлы объект космостан болыӯы керек, деп жазады DailyMail. Жергиликли полицияның эксперт-криминалисти Пол Лудиктиң айтыӯынша, зат белгисиз металлдан исленген болып, қапталларында исиги бар.
Жергиликли турғынлардың айтыӯынша, намибиялы фермер өзиниң жайлаӯында шар таӯып алған. Олар жарылыӯға уқсаған даӯысларды еситкен.  П.Лудик  бул жарылыӯлар сол Жерге космостан түсти деп дусмалланып атырған заттың қулаӯ пайтындағы аралықты басып өтиӯинде шыққан деп түсиндиреди. Демек, шар даӯыстан жылдам тезликте қулдыраған.

Бундай табылма Австралияға да қулап түскен. Соң Россияға да «бахыт күлип бақты» деп жазады интернет сайтларында. Меридиан спутнигиниң табыссыз ушырылыӯынан соң Новосиберск ӯəлаятының Вагайцего поселкасындағы турақ жай үстине металл шар қулап түскен.

Ал, Мойнақта бул шар жергиликли пуқаралар  жасайтуғын орыннан 3 километрдей узақлыққа түскен. Ҳәдийсе пайытында жәбирленгенлер жоқ.

Мойнақ районы ҳәкимлиги Мәлимлеме хызмети
@MuynakPressскачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы