лучший сайт где можно скачать шаблоны для dle 11.2 бесплатно

Қарақалпақстан Республикасы Жоқарғы Кеңесиниң оныншы сессиясы болып өтти


Усы жылдың 28-октябрь күни Қарақалпақстан Республикасы Жоқарғы Кеңесиниң оныншы сессиясы болып өтти.

Республикамыздың қала ҳәм районлары менен видеоконференция тәризинде өткерилген сессияға Олий Мажлис Сенаты ҳәм ҳүкимет ағзалары, секторлар ҳәм тараў басшылары, сонда-ақ, ғалаба хабар қуралларының ўәкиллери қатнасты.




Сессияны Қарақалпақстан Республикасы Жоқарғы Кеңеси Баслығының орынбасары А.Давлетов кирис сөз бенен ашты ҳәм алып барды.

Депутатлар сессияның Секретариатын сайлады ҳәм күн тәртибин тастыйықлады.

Соӊғы жыллары Ҳүрметли Президентимиздиӊ басшылығында тәлим-тәрбия жумысларын түп-тийкарынан реформалаў, илим-пән тараўын және де раўажландырыўды жеделлестириў бағдарында бир қатар әҳмийетли пәрман ҳәм қарарлар қабыл етилмекте.



Әсиресе, билимлендириў мәкемелери менен илим-пән тараўы арасындағы бирге ислесиўлерди тәмийинлеў, оқыў орынларының басшы ҳәм педагог-хызметкерлериниң, илимий ҳәм дөретиўши инсанлардың жәмийеттеги абырайын көтериў, оларды ҳәр тәреплеме қоллап-қуўатлаў арқалы елимизде билимлендириўдиң сапасын түп-тийкарынан жақсылаўға кең имканиятлар жаратылмақта.



Усы жылдың 30-сентябрь күни «1-октябрь – Муғаллимлер ҳәм устазлар күни» байрамы мүнәсибети менен болып өткен ушырасыўда Ҳүрметли Президентимиз тәрепинен бул бағдарда әмелге асырылып атырған жумысларды және де жетилистириў бойынша анық ўазыйпалар белгилеп берилген еди.



Мине, усы ўазыйпаларды әмелге асырыў мақсетинде Өзбекстан Республикасы Президентиниң «Мәмлекетимиз тәлим-тәрбия системасын және де жетилистириў, илим-пән тараўы раўажланыўын жеделлестириўге тийисли қосымша илажлар ҳаққында»ғы пәрманының жойбары ислеп шығылды.




Усы жылдыӊ 23-октябрь күни Өзбекстан Республикасы Президенти Администрациясы басшысы З.Низомиддиновтыӊ басшылығында өткерилген видеоселектор мәжилисинде усы пәрман жойбарын мийнет жәмәәтлери ҳәм халықтың арасында додалап, кеӊ жәмийетшилик ўәкиллери тәрепинен билдирилген пикир ҳәм усынысларды Қарақалпақстан Республикасы Жоқарғы Кеӊеси, халық депутатлары қалалық ҳәм районлық Кеӊеслери сессияларында додалаў белгиленген еди.




Мине, усы тийкарда Жоқарғы Кеңес депутатлары тәрепинен сайлаўшылар менен ушырасыўлар өткерилип, пәрман жойбары ҳаққында мағлыўматлар берилди ҳәмде халықтың пикир ҳәм усыныслары тыңланды.

Күн тәртибиндеги мәселе бойынша сөзге шыққан Қарақалпақстан Республикасы Жоқарғы Кеңесиниң Социаллық-мәдений раўажланыў ҳәм жәмийетлик бирлеспелер мәселелери комитетиниң баслығы Д.Қурбаниязов пәрман жойбарының мазмун ҳәм әҳмийети ҳаққында айтып, белгиленген ўазыйпаларға кеңнен тоқтап өтти.

Буннан соң Қарақалпақстан Республикасы Министрлер Кеңеси Баслығының орынбасары М.Жуманов, Халық билимлендириў министри А.Аяпов, 32-санлы «Қылышбай» сайлаў округинен Қарақалпақстан Республикасы Жоқарғы Кеңесиниң депутаты С.Хожамуратовалар сөзге шығып, пәрман жойбарына берилген усыныслар ҳаққында айтып өтти ҳәм оны толық қоллап-қуўатлайтуғынын билдирди.




Депутатлар тәрепинен билдирилген пикир-усыныслар есапқа алынып, тийисли қарар қабыл етилди.

Усының менен Қарақалпақстан Республикасы Жоқарғы Кеңесиниң оныншы сессиясы өз жумысын жуўмақлады.

Қарақалпақстан Республикасы Жоқарғы Кеңесиниң баспасөз хызмети

М.Ҳабибуллаевтың түсирген сүўретлерискачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы