лучший сайт где можно скачать шаблоны для dle 11.2 бесплатно

ҚМУда мәнаўият күнлери: «Ҳаёт» (кинофильм), «Үш бойдақ» (музыкалы-комедия), депутат пенен ушырасыў

Республикамыздағы ҳәр бир жоқары оқыў орынларындағы студент-жаслардыӊ бос ўақытларын мазмунлы өткериў мақсетинде «Мәнаўият күнлери»н шөлкемлестириў белгилеп берилген еди. Усы ўазыйпа тийкарында 28-январь күни Бердақ атындағы Қарақалпақ мәмлекетлик университетинде бир нешше ушрасыўлар шөлкемлестириди.

«Жасларды ўатан сүйиўшилик руўхында тәрбиялаў»
Атап айтықанда, университет мәденият сарайында «Жасларды ўатан сүйиўшилик руўхында тәрбиялаў» атамасында кеше болып өтти. Кешени Жаслар менен ислесиў бөлиминиң баслығы И.Жуманиязов ашып берди ҳәм басқарып барды. Ол келешек қурыўшылары болған жаслардың жат ҳәм бузғыншы идеяларға қарсы гүресиў мақсетинде бос ўақытларын мазмунлы өткериў, билим алыўға, әдебий китаплар оқыўға болған қызығыўшылығын арттырыў кереклигин атап өтти.
Буннан соң Арқа-Батыс әскерий округы 533 СИР (Сафарварлик ишлари резервлари) командириниң орынбасары, майор Д.Исроилов сөзге шығып, бүгинги хабар технологиялары дәўиринде өсип киятырған жас әўладтың интернеттен дурыс пайдаланыў, ел тынышлығы ҳәм абаданлығы ушын ҳәр бир кәсип ийеси жуўапкер екенлигин, және тынышлық ҳәр бир адамның уллы байлығы екенлигин айтып өтти.


«Ҳаёт» кинофильми
Урасыў соӊында кешеге жыйналған студент жаслардың нәзерине тәжирийбели кинорежиссёр Ҳ,Насимов тәрепинен сүўретке алынған «Ҳаёт» кинофильми қойып берилди.
Оннан мақсет – экстремизм ҳәм терроризмге кең жәмийетшилик пенен бирге қарсы гүресиў, жасларды бул иллет тәсиринен сақлаў, фильм арқалы олардың тынышлықтың қәдирине жетип жасаў ҳәм Ўатан сүйиўшилик руўҳында тәрбиялаў болып табылады.
Бул фильм 2000 жылы Сурхандарья ўалаятының «Сариосиё» ҳәм «Узун» районларында терроршыларға қарсы гүресте Ўатанымыз тынышлығы ушын жан берген жерлеслеримиздиң мәртлик ислерине бағышланады.
Фильмди тамашалаған ҳәр бир инсан тынышлығымыздың қәдирине жетип, ана Ўатанымыздың ҳәр бир қарыс жерин жаўдан қорғаў тек тийисли органлардың ўазыйпасы емес екенлигин, халқымыздың тынышлығы жолында қурбан болған мәрт-азаматлардың мийнетлеринен үлги алып, сондай Ўатан сүйиўшилик руўҳында жасаў кереклигин тереңнен түсинди.

«Мәмлекетимизде жоқары дәраматқа ийе өним ислеп шығарыўды тәмийинлеўде студент-жаслардың роли»
Және де Өзбекстан Республикасы Олий Мажлиси Нызамшылық палатасының депутаты Қутлымурат Бабашев пенен «Мәмлекетимизде жоқары дәраматқа ийе өним ислеп шығарыўды тәмийинлеўде студент-жаслардың роли» атамасындағы ушырасыў кешеси болып өтти.Бул ушырасыўдың әҳмийети, елимизде жаслардың жоқары билим алыўы ушын жаратылған имканиятлар, ҳүрметли Президентимиз тәрепинен жоқары билимлендириў тараўына қаратылған атырған дыққат итибар, Ҳәрекетлер стратегиясы бойынша «Жедел инвестициялар ҳәм социаллық раўажланыў» жылы»нда әмелге асырылыўы керек болған зәрүр ўазыйпалардың әҳмийетин студент жасларға түсиндириўден ибарат.
Ушырасыўда усы сыяқлы мәселелер бойынша депутат жыйналғанларға презентация жәрдеминде кең түрде түсиник берип өтти.

«Үш бойдақ» атлы музыкалы-комедия
Сондай-ақ Өзбекстан Мәмлекетлик көркем-өнер ҳәм мәденият институты Нөкис филиалы студентлери тәрепинен қазақ драматурглары Қуўандық Шанғытбаев ҳәм Қанабек Байсейев қәлемине тийисли «Үш бойдақ» атлы музыкалы-комедиясы университет студент жасларына саҳналастырылып берилди.Бул музыкалы-комедия Нәжимаддин Аӊсатбаев тәрепинен қарақалпақ тилине аўдармаланған болып, спектакльде Абиўбакир образын – Бахадир Қууанышбаев, Хасан образын –Нурлыбай Жуматов, Султан образын – Нағмет Қошкаровлар аткарды. Спетакль мухаббат хәм адамгершилик сезимлерин өз бойына жәмлеген болып, тамашагөйлердиӊ шексиз алғысына мияссар болды.
«Ислом Каримов-Ғәрезсиз Өзбекстанныӊ тийкаршысы»
Университет студентлер турақ жайында «Ислом Каримов-Ғәрезсиз Өзбекстанныӊ тийкаршысы» атамасында әдебий кеше болды. Оған Тарийх ҳәм ҳукық факультети, архиялогия кафедрасы үлкен оқытыўшысы Фархад Утепбергенов, өзбек филологиясы руўхыйлық ҳәм ағартыўшылық ислери бойынша декан орынбасары Ғайрат Оразбаев, ҳәм тәрбияшы педагог Шынар Матжанова ҳәм студент жаслар қатнасты.
Кешеде Ислом Каримовтыӊ өмири жолына байланыслы видеоролик ҳәм оныӊ китапларына байланыслы исленген презентациялар қатнасыўшыларға қойып берилди.Бүгинги ушырасыўдан ғәрезсиз өзбекстанымыздыӊ раўажланыўына өз үлесимизди қосыўға және де ҳәрекет етиўимиз керек екенлигин түсиндик.


Г.ПАХРАТДИНОВА, Н.ҚАЙЫПНАЗАРОВА, А.ҚАЛБАЕВА,
Журналистика тәлим бағдары 1-курс студентлери
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы