лучший сайт где можно скачать шаблоны для dle 11.2 бесплатно

Қарақалпақстан Республикасы Денсаўлықты сақлаў министри Атажан Каримович Ҳамраевтың лаўазымынан кетиў себеплери мәлим етилди


Бириншиден, А.Ҳамраевта ҚР Денсаўлықты сақлаў министри лаўазымына усы жылдың май айында тайынланыў ўақтында қәлеў болмаған. Ол искерлигин илимий-педагогикалық бағдарда даўам еттириўди қәлеген. Бирақ сол ўақыттағы марҳум Жоқарғы Кеңес баслығы коронавирус пандемиясы себепли жағдай аўыр ҳәм келешекте де аўыр түс алыўы мүмкин екенлигин айтып, бул лаўазымызда ислеўи туўралы қатаң тапсырма бергенинен кейин, министр болып тайынланыўына разылық билдирген.

Екиншиден, бул лаўазымда ислеп турған ўақтында саламатлығында үлкен машқала пайда болды. Мойын омыртқалары дискоген грыжасы, нерв корешогы компрессиясы себепли узақ емлениўине туўра келди. Буннан кейин де кеселлик белгилери толық өтип кетпеди. Отырғанында, әсиресе, автомашинада ҳәрекетленгенинде аўырыў күшейип, мийнет искерлигине кесент бериўде даўам етти. Сол ўақытта бул кеселлик узақ ўақыт емлениўди талап ететуғынын аңлаған ҳалда ўазыйпасынан босаў нийети болған. Бирақ коронавирус пандемиясының халық арасында және ҳәўиж алыўы, дерлик июль-август айларындағы дәрежеге жетиўи себепли министрликтеги кәсиплеслерине аз да болса жәрдем бериў нийетинде кеселликтен толық тәўир болмаса да жумысқа қайтты ҳәм имканият дәрежесинде коронавирус инфекциясына шатылған наўқасларға медициналық жәрдемди шөлкемлестириўге киристи. Исленген илажлардың нәтийжесинде ҳәм эпидемиологиялық процесстиң тәбийий цикллық өтиў нызамлықлары себепли октябрь айы басынан кеселлениў жағдайлары азая баслады. Бүгинге келип Қарақалпақстан Республикасының көпшилик аймақларында кеселлениў сезилерли дәрежеде азайыўына ерисилди.

Атажан Ҳамраев ҳәммемиз келешекте коронавирус инфекциясының ең жаман сценарийлерине таяр турыўымызды ескертип, гүллан халқымызға беккем денсаўлық тилейди. Қарақалпақстан Республикасы басшыларына ҳәм ӨзР Денсаўлықты сақлаў министрлигине өзиниң жағдайын дурыс түсинген ҳалда жумыстан кетиўине разылық бергени ушын миннетдаршылық билдирди.
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы