лучший сайт где можно скачать шаблоны для dle 11.2 бесплатно

Байрам мүбәрек, саламатлық сақшылары!


Бүгин 8-ноябрь, екшемби.
2006 жыл 12-сентябрде қабыл етилген медицина хызметкерлери күнин белгилеў ҳаққындағы Нызамға муўапық ноябрь айының екинши екшембиси шыпакерлердиң кәсиплик байрамы сыпатында кең белгиленип келинбекте. «Бәрше кәсиплер ишинде ең уллысы медицина!»-деген еди белгили алым Гиппократ.
Себеби адамзат ушын саламатлықтан артық байлық жоқ. Дүнья жаратылғанлы берли, дәртке дәрман бериўши мақтанышлы кәсип ийелери өз қәдирин жоғалтпаған, жоғалтпайдыда. Әсиресе, елеге шекем инсаният өмирине қәўип салып атырған пандемияда өз саламатлығынанда ўаз кешип, пидайылық пенен хызмет көрсетпекте.
Соны айрықша айтып өтиў лазым, 2020 жыл мәмлекетимизде денсаўлықты сақлаў системасы ушын сынақлы, изшил раўажланыў, жаңа тәжрийбе арттырыў жылы болды. Әсиресе, соңғы ўақытта бул тараў раўажы ушын исленип атырған ислер, инсанлардың бийбаҳа байлығы болған денсаўлығын асыраў жолындағы ҳәрекетлер медицинада әҳмийетли өзгерислер басланғанлығынан дәрек береди.
Өз өмирин халқымыздыӊ саламатлығын қорғаўға бағышлап, бул жолда пидайылық пенен көрсетип атырған тараў ўәкиллериниң ҳәр бир күни мәртлик ҳәм пидайылыққа теңеў мүмкин. Тараўға итибар болса Президентимиздин жаңаша пикир менен жумысларымызды еле де жетилистириў бойынша ўазыйпаларды атап өткенлиги бизге және бир мәрте ғайрат инәм етеди.
Соны да айрықша атап өтиўимиз тийис, байрам алдынан Ҳүрметли Президентимиздиӊ тараў хызметкерлерине жоллаған қутлықлаўында ҳәмде видеоселектор мәжилисинде медицина хызметкерлерине жоқары исеним билдирилиўи менен бирге, халықтыӊ саламатлығын қорғаў хызметлерин түп-тийкарынан жаӊалаў, аўыллық шыпакерлик пунктлери ҳәм шаӊарақлық поликлиникалардыӊ жумысларын раўажландырыў, бирлемши медициналық хызмет көрсетиў шыпакерлерине мүнәсип турмыс шараятын жаратыў, тараўдың кадрлар потенициалын күшейтиў менен байланыслы бир қатар әҳмийетли ўазыйпалар белгилеп берилди.
Сондай-ақ,
— Абу Али ибн Синадай уллы бабаларымыздың мүнәсип әўладлары, Өзбекстан медицина мектеби дәстүрлериниң даўамшылары болған сиз, әзизлер, өз искерлигиңизди әне усындай уллы талаплар тийкарында шөлкемлестирип, жоқары адамгершилик миннетиңизди буннан былай да мақтаныш пенен атқарасызлар, – деп үлкен исеним билдирди.
Солай екен, бәрше медицина тараў хызметкерлери, Сизлерди халық ийгилиги жолындағы жуўапкершиликли, машақатлы ҳәм мақтанышлы жумысларыңызда табыслар, шаңарағыңызға аманлық, қут-берекет тилеймен!

Ж.Тарийхов
Нөкис қалалық медицина бирлеспеси баслығы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы