лучший сайт где можно скачать шаблоны для dle 11.2 бесплатно

«Жаңа Өзбекстан – жаңаша көз-қарас» атамасында илаж болып өтти

Нөкис районы Қутанкөл МПЖ аймағындағы мәденият орайында «Жаңа Өзбекстан – жаңаша көз-қарас» атамасында илаж болып өтти.

Илажға Өзбекстан ҳәм Қарақалпақстан халқ артисти М.Абдиқундузов, Өзбекстанға хызмет көрсеткен артист, Қарақалпақстан халқ артисти Ө.Қосымбетов, Жеңил атлетика бойынша Өзбекстан чемпионы Т.Михайлова ҳәм басқада мәденият ҳәм көркем-өнер тараўы ўәкиллери қатнасты.


Өткерилген илажда Жаңаланыў жолынан баратырған мәмлекетимизде алып барылып атырған кең көлемли реформалар, халқымыздың турмыс-шәраятын жақсылаў бойынша әмелге асырылған ийгиликли ислер, мийнеткеш ҳәм мийирман халқымыздың быйылғы сынаўларға бай болған жылда жоқары инсанийлық пазыйлетлерин көрсете алғанлығы атап өтилди.

- Пандемия дәўиринде халқымыздың карантин басқышын машақат пенен басынан өткерип атырғанлығы ҳәм оларға жоқары кейпият инәм етилиўи кереклиги айрықша атап өтиўимиз керек.-дейди ф.и.к. З.Қожықбаева. – Ҳақыйқатында да, быйыл ҳаўа райы, тәбийий апатлар ҳәм глобал пандемия елимиздиң барлық пуқараларының турмысына өзиниң тәсирин тийгизбей қоймады. Сардобадағы, Бухара ўәлаятындағы апатшылықларда халқымыз өзлериниң мийрим-шәпәәтин көрсете алды. Биз пандемияны да усындай кең пейиллилик ҳәм өзлеримиздиң сабырлылығымыз, жоқары адамгершилигимиз бенен жеңип өте аламыз.
Илаж шеңберинде кем тәмийнленген ҳәм имканияты шекленген пуқаралар ҳалынан хабар алынып, саўғалар берилди.


Өткерилген илаж жуўмағында МПЖның Мәденият бөлими тәрепинен шөлкемлестирилген көргизбе жыйналғанлар нәзерине усынылды.


Илаж ӨзМКӨМИ Нөкис филиалы профессор-оқытыўшылары, студент-жаслары ҳәм мәденият бөлими тәрепинен таярланған көркем-әдебий бөлим менен даўам етти.

Ж.Искендеров
ӨзМКӨМИ Нөкис филиалы баспасөз хаткерискачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы