лучший сайт где можно скачать шаблоны для dle 11.2 бесплатно

«CHANGI» аэропорты ҳаққында қызықлы 20 факт


«Changi» аэропорты усы кунге шекем номинациялар, ҳар түрли жөнелислер бойынша 470 мәрте «Ең жақсы» атағына мияссар болған. Аэропорт «Business Traveller» журналы тәрепинен 27 жыл даўамында, ал «Skytrax» баслымы тәрепинен 5 мәрте «Дуньяның ең жақсы аэропорты» деп тән алынған.
2014-жылда жолаўшылардың саны 54,1 млн ға жетип, жәҳән рекордын орнатқан.

«Нөкис халықаралық аэропорты» ЖШЖ рәсмий каналында булаэропорт ҳаққында қызықлы мағлыўматларды жәриялады.

1. Aэропорттың улыўма жер майданы 1300 гектарды қурайды, соның 870 гектары бурын теңиз болған.

2. Аэропортта ҳар қайсысы 4 км болған, 2 ушыў-қоныў жолы бар.

3. Аэропорт жылына 66 миллион жолаўшыны қабыллаў имкәниятына ийе үш терминалдан ибәрат.

4. «Changi»де 40 мыңға жақын адам жумыс ислейди.

5. Сондай-ақ, 2014 жылда аэропорт тәрепинен қабыл етилген ҳәм жиберилген жүктиң көлеми 1,84 млн тоннаға жеткен.

6. Аэропорт ҳәр ҳәптеде 6,600 ден аслам рейслерди қабыл етеди ҳам жибереди, бул ҳәр 90 секундта бир самолёт ушып-қонады дегени.

7. «Changi» аэропорты дуньяның 300 қаласы менен байланыс орнатқан.

8. «Changi» 100 ден аслам авиакомпанияларға, солардың ишинде Сингапурдың – Singapore Airlines, SilkAir, Scoot, Tigerair ҳәм Jetstar Asia аэропорт рейслерине хызмет етеди.

9. 1, 2 ҳәм 3-терминалда 92 самолёттың тоқтаў орынлары үскенеленген болып, олардың 19 ына еки этажлы A380 самолётлары жайласыўы мүмкин.

10. Хаўа-райы қандай болмасын, ҳәр күни 170 мыңдай багаж аэропорт хызметкерлериниң қолынан өтеди.

11. Егер қәлесе, жолаўшылар жүк арбаларынан бийпул пайдаланыўы мүмкин – Чангиде 12000 арба табылады.

12. Аэропорт аймағында 350 ден аслам дүкән, 120 дай бар ҳәм ресторанлар хызмети жолға қойылған.

13. «Changi» аймағында тематикалық бағлар да бар: 1-Терминалда Кактус бағы, 2-Терминалда Сыйқырлы бағ, Oрхидея ҳәм айғабағар бағлары, 3-Терминалда Butterfly галереясын ушыратасыз.

14. Терминаллар аймағында 550 ден аслам Интернет-киосклер бар болып, пүткил Чанги аймағы бийпул Wi-Fi тармағына жалғанған.

15. Және де пәрўәзды күтиў ўақтында, гаджетлерин қуўатландырмақшы болған жолаўшылар ушын 880 электр розеткасы орнатылған.

16. Кун тусип турыўы ушын 3-терминал имаратының төбеси, 919 айналы, ашық плита менен капланған. Бул болса, терминал иши қызып кетиўиниң алдын алады.

17. 3-Терминал ишинде вертикал бағ болып, бул жасыл дийўалдың узынлығы 300 метр бийиклиги 15 метрге тең.

18. 3-Терминалға кириўши Butterfly галереясында, арнаўлы түрде 1000 түрли шыбын-ширкей бағылады.

19. 3-Терминалға кире беристеги залдың қумлы дийўалына, 16 тилде яғыный инглис, қытай, малай, бахаса, тамил, ҳинд, синҳал, япон, тай, француз, немис, итальян, испан, араб, орыс ҳәм португал тиллеринде «сәлем» сөзи жазылған.

20. Уллы Британияның «Business Traveller» журналы, Сингапур аэропортын 27 жыл қатара жәҳәнниң ең жақсы аэропорты деп атаған. Аэропорт бүгинги кунге дейин 470 мәрте сылыққа лайық көрилген болып, дуньяның ҳеш бир аэропорты бундай нәтийжеге ерисе алмаған.

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы