лучший сайт где можно скачать шаблоны для dle 11.2 бесплатно

Халық пәраўанлығы жолындағы 3 жыллық жемис.

"Бул тараўда ең үлкен мақсет - адамлардың аўырын жеңиллетиў. Бәрше аймақларды ҳәм хызметлерди усы тараўға қамтып алсақ, сергизданлық, әдалатсызлық, коррупция болмайды"  деген еди ҳүрметли журтбасшымыз өз сөзинде. 2017-жыл 12-декабрь күни Өзбекстан Республикасы Президенти "Халыққа мәмлекетлик хызметлер көрсетиўдиң миллий системасын түптен реформалаў ис-иләжлары хаққында"ғы пәрманын имзалады. Пәрман менен Әдиллик министрлиги жанындағы Мәмлекетлик хызметлер агентлиги шөлкемлестирилди.

Исбилерменлик субъектлерине "Бир айна"  принципи бойынша мәмлекетлик хызметлерин көрсетиўши бир айна орайлары, мәмлекетлик хызметлер орайларына айландырылды.
Өткен 3 жыл даўамында тараўымызда бир қанша өзгерис ҳәм жаңаланыўлар болды. Атап айтатуғын болсақ, халқымызға ҳәм исбилерменлерге  көрсетилетуғын хызметлер түри сапалы ҳәм тезлиги артты, Мәмлекетлик хызметлер көрсетиўдиң муддетлери еки есеге қысқартырылды. Мәмлекетлик хызметлер орайының жаңа имаратлары пайдаланыўға тапсырылды. Булардың айқын дәлили сыпатында Қоңырат районы Мәмлекетлик хызметлер  орайын айтсақ  болады.
Орайымыздың жаңа имараты заманагөй типте салынған болып онда қосымша қолайлықлар есапқа алынған. Олар арасында онлайн хызметлерди алыўға мөлшерленген мағлыўмат киоскалары, электрон  наўбет ҳәм қолайлы нәўбет күтиў залларын айтсақ болады.
 
Орайымыз тәрепинен усы күнге шекем исбилерменлик субъектлерине хәм пуқараларға өткен 3 жыл даўамында 144 725 хызмет, соннан 9849 хызмет көшпели тәризде көрсетилген болса, 2981 исбилерменлик субъекти мәмлекетлик дизимнен  өткерилген. Буннан тысқары дем алыс күнлери районымыздың ең шетки аймакларына барып, халқымызға керекли хызметлерди көрсетемиз ҳәм мәмлекетлик хызметлерди орайлар арқалы ҳәм электрон тәризде алыўдың қолайлықлары менен кеңнен таныстырамыз. Булар жәрдеминде керекли ҳүжжетти тез ҳәм артықша бюрократикалық тосықларсыз алыў мүмкин. Және де орайымыздан ең алыс аймакларында Қарақалпақстан ППЖ ҳәм Жаслық ППЖ да шахабшаларымыз халқымызға унамлы хызметлер көрсетип келмекте. Шахабшалар арқалы көрсетилген хызметлер саны өткен 3 жыл даўамында 5179 ға жетти.

Орайымыз тәрепинен көрсетилип атырған бундай хызметлерден халқымыз қуўанышта. Себеби халқымыз өмириндеги өзгерислерди ертең ямаса жақын келешекте емес ал, бүгин көриўди қәлейди. Солай екен биз орай хызметкерлериде "Пуқаралар емес хүжжетлер хәрекетленеди" сүренине әмел еткен ҳалда, халқымызға хызмет көрсетиўде, аянбай мийнет ислеўге барлық күш-жигеримиз бенен харекет етемиз!!!
 
Э.Бекешов
Қоңырат районы Мәмлекетлик хызметлер орайы
бөлим баслығы
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы