лучший сайт где можно скачать шаблоны для dle 11.2 бесплатно

«Өрнек стоянка»дан лицензияға ийе 4 жөнелисте жәми 66 автотранспорт, жеке исбилермен ҳәм пуқаралардыӊ автомобиллери пайдаланбақта - Нөкис қаласы мәлимлеме хызмети

Нөкис қаласы ҳәкимлиги тәрепинен өткерилген Баспасөз конференциясында ­ғалаба хабар қураллары ўәкиллери ҳәм блогерлерден бир неше сораўлар келип түскен еди. Солардан бири Нөкис қаласындағы «Нөкис дийқан базары» АЖ аймағыныӊ артқы тәрепинде жайласқан жеӊил автомобиллердиӊ ўақтынша тоқтаў орны (“Өрнек стоянка”)нан пайдаланыўға байланыслы мәселе.­

Нөкис қаласы ҳәкимлигиниӊ 2019-жыл 28-январь күнги 01/01-357-санлы қарары менен «Нөкис дийқан базары» АЖ на улыўма майданы 5440 м/кв болған жерге жеӊил автомобиллердиӊ ўақтынша тоқтаў орнын шөлкемлестириўге руқсат берилген ҳәм ҳәзирде бул аймақтан «Нөкис дийқан базары» АЖ пайдаланып келмекте. Бул мәселе бойынша Нөкис қаласы ҳәкимлиги Мәлимлеме хызмети базар директоры Б.Кучкаров пенен байланысқанда төмендегилерди мәлим етти:

«Бүгинги күнде ҳәр бир автомобиллердиӊ ўақтынша тоқтаў орнына кирип-шыққан автокөликлер «Нөкис дийқан базары» АЖ кассасына 2000 сўмнан төлем пулын әмелге асырмақта. Сондай-ақ, автомобиллер ўақтынша тоқтаў орнында  саўда ислеўши  пуқаралардан да күнлик пуллар алынып, төлемлер ушын чеклер де өз ўақтында берилмекте. Лицензияға ийе 4 жөнелисте жәми 66 автотранспорт, жеке исбилермен ҳәм пуқаралардыӊ автомобиллери де усы «стоянка»дан пайдаланбақта».

Мағлыўмат ушын, Өзбекстан Республикасы Министрлер Кабинетиниӊ «Базарлар ҳәм саўда комплекслери жумысларын тәртипке салыўға басланыслы қосымша ис-илажлар ҳаққында»ғы  2012-жыл 28-августтағы ПҚ 253-сон Қарары 1-қосымшасыныӊ VI бабында базарлардыӊ түсими белгиленген. Оған тийкар, базарлардыӊ дәраматы төмендегилерден ибарат:

- бир мәртелик жыйымныӊ түсимлери,
- ижара төлеминен алынған дәраматлар,
- сатыўшы ҳәм қарыйдарларға хызмет көрсетиўден алынған дәраматлар,
- автомобиллерди ўақтынша сақлаў хызметлерин көрсетиўден түскен дәраматлар,
- базар администрациясы тәрепинен алынған аўыл хожалығы өнимлерин таярлаў, сатып алыў ҳәм сатыўдан (дийқан базарлары ушын) алынған дәраматлар
- нызам тийкарларына қайшы келмеген басқа түсимлер.

Нөкис қаласы мәлимлеме хызмети
скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Zaman.uz сайтының мобил бағдарламасы