лучший сайт где можно скачать шаблоны для dle 11.2 бесплатно

Егер сиз де қәлесеңиз…

Гейде жәрдемге мүтәж ўақтымызда мәмлекетимиздеги айырым «қайырқом» инсанлар өз жүзин ашып қойыўы хешкимге сыр емес. Бирақ биз хәзир сөз етпекши болған мехри дәрья инсанлар жоқарыдағы инсанлар қатарына кирмейди. Социал тармақларда, солардың ишинде, «Telegram» тармағында белсене болған «Добрые люди Каракалпакстана» топары 2018-жыл 12-ноябрь сәнесинен баслап өз жумысын баслады. Бундай ийгиликли исти әпиуайи үй бийкеси Ибадуллаева Фарида баслап берди.

Бул топар ағзалары хәзирги күнге шекем 62 шаңараққа 72 миллион сум муғдарында финанслык жәрдем көрсетти. Топардағылар тек ғана шаңаракларға финанслық жәрдем көрсетип қоймастан, денсаўлығы жағынан машқаласы бар инсанларға да жәрдем қолын созбақта.

Яғный, канал арқалы қайсы жерлесимизге қандай жәрдем керек екенлиги хаққында инсанларды хабардар етип турады. Канал администраторлары хәр хәптениң шемби күни кеўилли инсанлар менен кем тәмийнленген шаңарақларға барып, олардан хабар алыўды әдетке айландырған. Усы орында сораў пайда болады. Бул топар мәмлекет дизиминен өткен бе ямаса халық тили менен айтканда «мошенник»лер ме, олар бунша ақшаны кай жерден алады? Бул жерде «мошенник» деп айтыуға улыўма орын жоқ. Себеби, топар администраторлары кимниң канша муғдарда пул өткергени менен канал ағзаларын хабардар етип турыпты. Буннан тысқары, каналда белгиленген сумма жоқ. Хәрким кеўлинен шыққан пулды пластик карталары арқалы да өткериўи мумкин. Оннан қалаберди, жәрдемге мүтәж шаңарақлар хәм денсаўлығы төмен инсанлардың сүўретлерин каналға таслап, инсанларға дәлийл етип көрсетип турады.Мағлыўмат орнында айтыў мүмкин, топардыӊ қайырқомлык қутышасы «Нукусская неделя» офисинде жайласқан. Хәрким кеўллм түрде материаллық жәрдем бериўге хақлы.

Егер бизлердиң бул сөзимизге исенбесеңиз, хәр хәпте шемби күни кеўилли инсан сыпатында қайырқомлык ислерге қатнассаңыз болады. Егер өз жерлеслеримиз ушын биз қайғырмасақ, инсанийлығымыз қайда қалады?

Сиз де бизге қосылмақшы болсаңыз t.me/dobrie_lyudi каналында сизди күтип қаламыз.


                                                                                             Юнисова Мехрибан

                                                            КМУ Журналистика факультети студенти

скачать dle 11.3
Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

Курсы валют
Сораўнама
Сизди қайсы тараў жаңалықлары қызықтырады?
Мақалалар
Реклама
Zaman.uz сайтының мобил бағдарламасы